Bɔ Nɛ O Ma Plɛ Kɛ Tsɔɔ Nihi Kaa A To Matsɛ Yemi ɔ Sisi Ngɛ Jeha 1914 Mi
Ngmami ɔ wo wɔ he wami kaa wa ‘dla wa he ngɔ to’ konɛ ke nɔ ko bi wɔ wa hemi kɛ yemi ɔ he sane ɔ, ‘wa nyɛ nɛ wa ha lɛ heto ngɛ bumi mi.’ (1 Pet. 3:15, 16) Ngɛ anɔkuale mi ɔ, Baiblo mi anɔkuale komɛ a sisi tsɔɔmi yee. Eko ji bɔ nɛ wa plɛ kɛ le kaa a to Matsɛ Yemi ɔ sisi ngɛ jeha 1914 mi. Bɔ nɛ pee nɛ wa nyɛ nɛ waa tsɔɔ munyu nɛ ɔ mi fitsofitso ɔ, a ngma munyu ko nɛ hɛɛ fa enyɔ. E yi ji, “A Conversation With a Neighbor—When Did God’s Kingdom Begin Ruling?” (Wetsɛ Ko Kɛ Ní Sɛɛmi—Mɛni Be Nɛ Mawu Matsɛ Yemi ɔ Bɔni Nɔ Yemi?) Wa maa na munyu nɛ ɔmɛ ngɛ October kɛ November Blɛfo gbi Hwɔɔmi Mɔ nɛ waa kɛ ma tsu ní ngɛ fiɛɛmi mi ɔ mi. Ke o ngɛ munyu nɛ ɔmɛ kanee ɔ, mo susu sane bimihi nɛ nyɛɛ se nɛ ɔmɛ a he. Sane bimi ɔmɛ kɔɔ bɔ nɛ Cameron plɛ kɛ tsɔɔ sane nɛ ɔ mi ha a he.
Mɛni blɔ nɔ nɛ . . .
wetsɛ ɔ yi nɛ e je ɔ ha nɛ wetsɛ ɔ bua jɔ kaa e kɛ lɛ maa sɛɛ ní?—Níts. 17:22.
e gu kɛ je he si bami kpo benɛ e ngɛ e hemi kɛ yemi ɔ mi tsɔɔe ɔ?—Níts. 14:15.
Mɛni he je nɛ e hi kaa . . .
e kɛ wetsɛ ɔ pɔɔ nɔ́ nɛ a susu he ɔ mi nylɔmi loko a tsaa ní sɛɛmi ɔ nɔ ɔ?
e mlɛɛ bɔɔ nɛ e biɔ wetsɛ ɔ kaa e nu nɔ́ nɛ a susu he ɔ sisi lo ɔ?
e kɛ wetsɛ ɔ kase we níhi fuu ngɛ be kake mi ɔ?—Yoh. 16:12.
Wa naa Yehowa nɛ ji wa Tsɔɔlɔ Kpanaa a si kaa e tsɔɔ wɔ bɔ nɛ wa ma pee ha kɛ tsɔɔ nihi Baiblo mi anɔkualehi nɛ a mi kuɔ ɔmɛ a sisi!—Yes. 30:20.