Hwɔɔmi Mɔ INTANƐTI NƆ NITO HE

INTANƐTI NƆ NITO HE

mwb16 April bf. 3
Moo Ngɔ O Nya Mi Munyu Kɛ Wo Nihi He Wami

Kristofohi A Si Himi Kɛ A Sɔmɔmi Ní Tsumi ɔ—Ní Kasemi Womi—(2016)

mwb16 April bf. 3

JUETLI NƐ NGƐ MAWU MUNYU Ɔ MI | HIOB 16-20

Moo Ngɔ O Nya Mi Munyu Kɛ Wo Nihi He Wami

Ke o maa wo nɔ ko ga a, e sa nɛ munyu nɛ o maa tu ɔ nɛ wo nɔ ɔ he wami

Hiob hao nɛ e na nɔ́ wawɛɛ, enɛ ɔ he ɔ, e hia he wami womi
Munyuhi nɛ Hiob huɛmɛ ɔmɛ tu ɔ wui e bua. A po e nya, nɛ lɔ ɔ ha nɛ e hao wawɛɛ pe kekle ɔ po

Munyu yeyee nɛ Bildad tu ɔ ha nɛ Hiob hao wawɛɛ

Hiob kpa Mawu pɛɛ kaa e ha nɛ e haomi ɔ se nɛ po—ke Mawu ma ha nɛ e gbo po jinɛ e suɔ
Gbogboehi a si temi ɔ he nɛ Hiob susu ɔ ye bua lɛ nɛ e nyɛ nɛ e da e haomi ɔ nya

Elifaz kɛ Hiob ngɛ munyu tue nɛ Bildad kɛ Zofar ngɛ mɛ hyɛe

HIOB NYA POLI ƆMƐ

Elifaz:

E je Teman nɛ ngɛ Edom zugba a nɔ ɔ. Yeremia 49:7 ɔ tsɔɔ kaa ní leli pɔ he ngɛ Edom ma a mi
Elifaz lɛ e tu munyu kekle ngɛ Hiob “bua woli ɔmɛ” a kpɛti. Eko ɔ, e wa, nɛ e nɔ kuɔ pe ni kpa amɛ. E tu munyu si etɛ, nɛ e munyu ɔmɛ hu a nya kɛ pe ni enyɔ ɔmɛ a nɔ́ ɔ

Lakpa munyuhi nɛ e tu:

E tsɔɔ kaa Hiob yi Mawu anɔkuale, nɛ e de hu ke Mawu he we e sɔmɔli yi (Hiob 4, 5)
E de kaa Hiob woɔ e he nɔ, e yi mi wa, nɛ e yi Mawu gbeye (Hiob 15)
E de hu ke Hiob hɛ kɔɔ, nɛ e yi dami sane. E de po kaa adesahi a he be se nami ko kulaa ha Mawu (Hiob 22)

Bildad:

Shua nina ji lɛ. Eko ɔ, e hi Yufrate Pa a he
Lɛ ji nɔ enyɔne nɛ e tu munyu. Munyu etɛ nɛ e tu ɔmɛ a nya kɛ we, se a nya yee nɔ pe Elifaz nɔ́ ɔ

Lakpa munyuhi nɛ e tu:

E tsɔɔ kaa Hiob bimɛ ɔmɛ a tɔ̃, nɛ lɔ ɔ he nɛ oslaa a ba a nɔ ɔ nɛ. E de po kaa Hiob yi Mawu gbeye (Hiob 8)
Bildad tsɔɔ kaa Hiob ji yayami peelɔ (Hiob 18)
E de ke e he hia we kaa adesahi maa ye Mawu anɔkuale (Hiob 25)

Zofar:

E je Naama nɛ ngɛ Arabia zugba a nɔ ɔ
Lɛ ji nɔ etɛne nɛ e tu munyu, nɛ e munyu ɔmɛ a yeɔ nɔ tsui pe ni enyɔ ɔmɛ a nɔ ɔ. E tu munyu si enyɔ pɛ

Lakpa munyuhi nɛ e tu:

E de ke Hiob tuɔ munyu putɛputɛɛ, nɛ e de lɛ kaa e kpa yayami peemi (Hiob 11)
E tsɔɔ kaa Hiob yi kpɛti wa, nɛ e nyaa yayami peemi he (Hiob 20)