Wa He Nɛ Maa Be Ngɛ Fiɛɛmi Ní Tsumi ɔ Mi​—Ngɔɔ Videohi Kɛ Tsɔɔ Nihi Ní

NƆ́ HE JE NƐ E HE HIA:

Níhi nɛ nihi naa, kɛ munyuhi nɛ a nuɔ ngɛ videohi a mi ɔ taa a tsui he wawɛɛ nitsɛ. Videohi haa nɛ nihi ngɔɔ a juɛmi kɛ maa munyu nɛ a ngɛ tue bue ɔ nɔ, nɛ nɔ́ nɛ a naa a tlɔɔ a juɛmi mi. Yehowa pee enɛ ɔ he nɔ hyɛmi nɔ́ kɛ ha wɔ.​—Níts 10:9-16; Kpoj 1:1.

A pee Anɛ Mawu Ngɛ Biɛ Lo?, Mɛnɔ Ji Baiblo ɔ Ngmalɔ?, kɛ Mɛni Tsɔɔ Kaa Baiblo ɔ Je Mawu Ngɔ? video ɔmɛ konɛ ke waa kɛ nihi ngɛ Sane Kpakpa womiyo ɔ mi ní kasemi 2 kɛ 3 ɔ he susue ɔ, wa je kɛ tsɔɔ mɛ. Videohi nɛ ji, Mɛni He Je Nɛ E Sa Kaa Waa Kase Baiblo ɔ?, Kɛ Wa Peeɔ Baiblo Mi Ní Kasemi Ha Kɛɛ?, kɛ Mɛni A Peeɔ Ngɛ Matsɛ Yemi Asahi A Nɔ? ɔ woɔ nihi he wami konɛ a kɛ wɔ nɛ kase Baiblo ɔ, loo a ya asafo mi kpehi nɛ wa peeɔ ɔ. Wa ma nyɛ ma je wa videohi nɛ a nya kɛ ɔmɛ eko kɛ tsɔɔ wa Baiblo mi ní kaseli, konɛ waa kɛ mɛ nɛ susu he.​—km 5/13 3.

BƆ NƐ O MAA PEE LƐ HA:

• Loko o maa ya fiɛɛmi ɔ, moo gblaa video nɛ o suɔ kaa o ma je ɔ

• Hla sane kake loo enyɔ nɛ heto ɔ ngɛ video ɔ mi, nɛ o ma bi wetsɛ ɔ

• Je video ɔ nɛ nyɛɛ hyɛ

• O kɛ lɛ nɛ susu otihi nɛ ngɛ video ɔ mi ɔmɛ a he

MOO KA ENƐ Ɔ NƐ O HYƐ:

• Tsɔɔ wetsɛ ɔ QR okadi nɛ ngɛ dɛ womi ɔmɛ a se nɛ ke e po ɔ, e ma bli video nɛ ji Mɛni He Je Nɛ E Sa Kaa Waa Kase Baiblo ɔ?

• Mo je Mɛni Tsɔɔ Kaa Baiblo ɔ Je Mawu Ngɔ? video ɔ kɛ tsɔɔ wetsɛ ko, nɛ o da ní kasemi 3 ɔ nɔ nɛ o ngɔ Sane Kpakpa womiyo ɔ kɛ ha lɛ