Bɔ Nɛ O Kɛ Baiblo Kasemi Video Ɔmɛ Ma Tsu Ní Ha

Wa ngɛ Baiblo kasemi videohi eywiɛ nɛ waa kɛ tsuɔ ní ngɛ fiɛɛmi ní tsumi ɔ mi. Mɛni yi mi tomi he je nɛ a pee eko fɛɛ eko ɔ?

• 

  A pee Mɛni He Je Nɛ E Sa Kaa Waa Kase Baiblo ɔ?​—Nɔ́ Nɛ E Nya Kɛ ɔ konɛ a kɛ ha nɛ nihi a bua nɛ jɔ Baiblo ɔ kasemi he ke e slo a hemi kɛ yemi po. E woɔ nihi nɛ a hyɛɛ ɔ he wami konɛ a kase Baiblo ɔ nɛ a na heto kɛ ha sane bimihi nɛ a he hia nɛ kɔɔ si himi he ɔ he. Nɛ e ha sane bimi nɛ ɔmɛ ekomɛ a heto kpiti nɛ sisi numi ngɛ he. Nɛ e tsɔɔ blɔ nɔ nɛ nɔ ko maa gu kɛ bi konɛ a kɛ lɛ nɛ kase Baiblo ɔ.

• 

  Níhi nɛ ngɛ Mɛni He Je Nɛ E Sa Kaa Waa Kase Baiblo ɔ? (nɔ́ nɛ e nya kɛ we) ɔ mi ɔ ngɛ kaa níhi nɛ a ngɛ nɔ́ nɛ nya kɛ ɔ mi nɔuu, se e nya kɛmi sui kaa lɔ ɔ. E ma nyɛ maa ye bua wawɛɛ ngɛ zugba kpɔhi nɛ nihi be deka kulaa ngɛ mi ɔ mi.

• 

  A pee Kɛ Wa Peeɔ Baiblo Mi Ní Kasemi Ha Kɛɛ? video ɔ konɛ a kɛ tle nihi a bua jɔmi si ngɛ Baiblo ɔ nɛ waa kɛ nihi kaseɔ nɛ wa he we nɔ́ ko ɔ mi. Jehanɛ se hu, konɛ a kɛ ha sane komɛ nɛ nihi pɔɔ bimi kɛ kɔɔ bɔ nɛ waa kɛ nihi kaseɔ Baiblo ɔ ha nɛ wa he we nɔ́ ko ɔ heto, kɛ blɔ nɔ nɛ a maa gu kɛ bi nɛ a kɛ mɛ nɛ ba kase Baiblo ɔ.

• 

  A pee Mo Hee Kɛ Ba O Baiblo Kasemi ɔ Sisi video ɔ konɛ a je kɛ ha Baiblo kaseli. E ngɛ mi kaa video ɔ ngɛ Ná Bua Jɔmi Kɛ Ya Neneene! womi ɔ ba fa enyɔ ɔ mi mohu lɛɛ, se a ma nyɛ ma je ke a kɛ nɔ ko ngɛ Ná Bua Jɔmi Kɛ Ya Neneene! womiyo ɔ kasee. Video ɔ tsɔɔ níhi nɛ ngɛ womi ɔ mi kɛ nɔ́ nɛ Baiblo kaselɔ ɔ ma nyɛ maa hyɛ blɔ ke a ngɛ ní ɔ kasee ɔ.

E ngɛ mi kaa a pee video ɔmɛ eko fɛɛ eko ngɛ yi mi tomi pɔtɛɛ ko he je mohu lɛɛ, se wa ma nyɛ ma je eko fɛɛ eko aloo waa kɛ ma nyɛ maa mane nihi ke e he ba hia nɛ waa pee jã. Wa ngɛ fiɛɛli tsuo he wami woe nɛ a le video nɛ ɔmɛ konɛ a kɛ tsu ní saminya ngɛ fiɛɛmi ní tsumi ɔ mi