KRISTOFOHI A SI HIMI

Níhi Nɛ E Sɛ Kaa O Pee Ke O Kɛ Nɔ Ko Ngɛ Baiblo ɔ Kasee

Nɔ́ Nɛ A Print

Nyɛminyumu ko nɛ e ngɛ munyu tue fuu tsɔ benɛ e kɛ e Baiblo mi ní kaselɔ ko ngɛ ní kasee

Koo Tu Munyu Fuu: Ko susu kaa e sa nɛ o tsɔɔ lɛ nɔ́ fɛɛ nɔ́. Ke Yesu ngɛ fiɛɛe ha nihi ɔ, e biɔ mɛ sanehi konɛ mɛ nitsɛmɛ a susu níhi a he nɛ a ma a juɛmi nya si. (Mat 17:24-27) Ke mo hu o biɔ ní kaselɔ ɔ sanehi ɔ, lɔ ɔ ma ha nɛ e bua maa jɔ ní kasemi ɔ he, nɛ o maa le níhi nɛ e heɔ yeɔ, kɛ níhi nɛ e nu sisi loo e nui sisi. (be-E 253 kk. 3-4) Ke o bi lɛ sane ɔ, moo to o tsui si nɛ e ha mo heto. Ke heto ɔ nɛ e ha a dɛ ɔ, koo tsɔɔ lɛ heto ɔ, mohu ɔ, mo bi lɛ sane kpahi nɛ maa ye bua lɛ konɛ e na heto ɔ. (be-E 238 kk. 1-2) Ke o ngɛ nɔ́ ehe ko he munyu tue ɔ, moo to o tsui si kɛ tu munyu konɛ ní kaselɔ ɔ nɛ e nu sisi.—be-E 230 kk. 4.

Níhi a nya tsɔɔmi hwanyaa ko nɛ kɔɔ nɔ́ he je nɛ wa bwɔɔ

Koo Pee Níhi Hwanyaa: Koo tsɔɔ lɛ nɔ́ fɛɛ nɔ́ nɛ o le ngɛ nɔ́ nɛ nyɛ ngɛ kasee ɔ he. (Yoh 16:12) O kɛ lɛ nɛ susu otihi nɛ ngɛ kuku ɔ mi ɔ he. (be-E 226 kk. 4-5) Koo tsɔɔ lɛ níhi a nya fuu tsɔ, ejakaa ke níhi nɛ o maa tsɔɔ lɛ ɔ ngɛ bua jɔmi po ɔ, lɔ ɔ ma nyɛ ma je e juɛmi kɛ je oti ɔmɛ a nɔ. (be-E 235 kk. 3) Ke ní kaselɔ ɔ nu oti ɔmɛ a sisi ɔ, nyɛ tsa nɔ ngɛ kuku nɛ nyɛɛ se ɔ mi.

Nyɛminyu ko nɛ e kɛ e Baiblo mi ní kaselɔ ngɛ níhi fuu kasee nɛ ní kaselɔ ɔ nui sisi

O Kɛ Lɛ Nɛ Ko Kase Ní ɔ Kɛfokɛfo: Oti nɛ waa kɛ ma wa hɛ mi ji kaa wa maa tsɔɔ nihi ní konɛ e sɛ a tsui mi, se pi nɛ waa kɛ mɛ maa kase womi ɔ nɛ wa maa gbe nya kɛkɛ. (Luka 24:32) O kɛ Mawu Munyu ɔ nɛ tsu ní, nɛ o kane ngmamihi nɛ kɔɔ ní kasemi ɔ he ɔ. (2Kor 10:4; Heb 4:12; be-E 144 kk. 1-3) O kɛ nɔ́ hetomi níhi nɛ ní kaselɔ ɔ maa nu sisi ɔ nɛ tsu ní. (be-E 245 kk. 2-4) Ke e kɛ haomi komɛ ngɛ kpee ɔ, ha nɛ ní kasemi ɔ nɛ kɔ jamɛ a haomi ɔmɛ kɛ níhi nɛ e heɔ yeɔ ɔ a he. Mo bi lɛ sane komɛ kaa: “Kɛ o na nɔ́ nɛ wa kase nɛ ɔ ha kɛɛ?” “Mɛni enɛ ɔ tsɔɔ wɔ ngɛ Yehowa he?” “Ke o kɛ ga womi nɛ ɔ tsu ní ɔ, mɛni se o ma ná?”—be-E 238 kk. 3-5; 259 kk. 1.