Bɔ Nɛ O Ma Plɛ Kɛ Ha Sane Heto Nɛ E Maa Pi Si

Ke wa sane heto piɔ si ɔ, e woɔ asafo ɔ he wami. (Rom 14:19) Ke nɔ ko haa sane heto nɛ piɔ si ɔ, lɛ nitsɛ hu e náa he se. (Abɛ 15:23, 28) Enɛ ɔ he ɔ, ke wa ya asafo mi kpe ɔ, ke e hi kulaa a, e sa nɛ wa ha sane heto si kake. Ngɛ anɔkuale mi ɔ, tsa pi be fɛɛ be nɛ ke wa wo wa nine nɔ nɛ a ma tsɛ wɔ. Enɛ ɔ he ɔ, e maa hi kaa wa ma dla wa he saminya konɛ wa nyɛ nɛ waa tu oti kpahi a he munyu.

Heto nɛ pi si ɔ, . . . 

• e mi tsɔ, e mi wɛ, nɛ e ngɛ kpiti. Behi fuu ɔ, wa ma nyɛ maa ngɔ tsuifia 30 loo nɔ́ nɛ sui jã kɛ ha heto nɛ pi si

• e sɛɔ nɔ tsui mi ke nɔ ɔ de ngɛ lɛ nitsɛ e munyu mi

• pi nɔ́ nɛ nɔ ko de momo

Ke mo nɛ a tsɛ kekleekle ɔ, . . . 

• Moo tu oti ɔ pɛ he munyu, koo tu munyu fuu

Ke oti ɔ je kpo momo ɔ, o ma nyɛ . . .

• maa tsɔɔ bɔ nɛ ngmami ko nɛ a tsɛ se ɔ kɔ oti ɔ he ha

• maa tsɔɔ bɔ nɛ ní kasemi ɔ maa ye bua wɔ ha

• maa tsɔɔ bɔ nɛ waa kɛ nɔ́ nɛ wa ngɛ kasee ɔ ma tsu ní ha

• ma de níhi a si kpami kpiti ko nɛ kɔɔ oti ɔ he