Bɔ Nɛ Waa Kɛ Yehowa Suɔmi Nya Ní Womiyo ɔ Ma Tsu Ní Ha

A pee Mɛnɔmɛ Nɛ A Ngɛ Yehowa Suɔmi Nya Ní Pee Mwɔnɛ ɔ? womiyo ɔ konɛ waa kɛ wa Baiblo mi ní kaseli nɛ susu he loko waa je ní kasemi fɛɛ ní kasemi sisi, loo ke wa gbe ní kasemi fɛɛ ní kasemi nya.a Ní kasemi 1 kɛ ya si 4 ɔ haa nɛ ní kaselɔ ɔ leɔ nimli nɛ wa ji. Ní kasemi 5 kɛ ya si 14 ɔ haa nɛ ní kaselɔ ɔ leɔ níhi nɛ wa tsuɔ kaa asafo, nɛ ní kasemi 15 kɛ ya si 28 ɔ hu tsɔɔ bɔ nɛ a to níhi a he blɔ nya ha ngɛ asafo ɔ mi. E maa hi kaa waa kɛ wa Baiblo mi ní kaseli ɔmɛ maa kase womiyo ɔ setsɔsetsɔ kaa bɔ nɛ a to ní kasemi ɔmɛ a nya ngɛ womiyo ɔ mi ɔ. Se ke si fɔfɔɛ ko biɔ nɛ waa kɛ nɔ ɔ nɛ susu ní kasemi pɔtɛɛ ko he ɔ, wa ma nyɛ maa pee jã. Ní kasemi ɔ eko fɛɛ eko ngɛ ba fa kake pɛ nɔ. Waa kɛ nɔ ɔ ma nyɛ maa kase ngɛ hɛngmɛfia enuɔ loo nyɔngma mi.

• 

  Moo gbla nɔ ɔ juɛmi kɛ ya ní kasemi ɔ yi ɔ nɛ ji sane bimi ɔ nɔ

• Ngɛ ní kasemi ɔ eko fɛɛ eko mi ɔ, nyɛɛ kane kuku ɔmɛ tsuo kɛ ya pi, loo nyɛɛ kane lɛ bɔɔbɔɔbɔɔ

• Nyɛ susu nɔ́ nɛ nyɛ kane ɔ he. Nyɛ susu foni ɔmɛ kɛ sane bimihi nɛ a ngɛ ba fa a nyagbe ɔ he. Nyɛɛ kane ngmamihi nɛ a tsɛ se ɔ a kpɛti nɔ́ nɛ maa ye bua nɔ ɔ nɛ nyɛ susu he. Ha nɛ ní kaselɔ ɔ nɛ le kaa munyuyi tsɔwi ɔmɛ haa sane bimi nɛ ji munyuyi ɔ heto

• Ke daka nɛ ji “Moo Le Níhi Fuu” ngɛ ní kasemi ɔ nyagbe ɔ, nyɛɛ kane, nɛ o wo ní kaselɔ ɔ he wami konɛ e ngɔ ga womi ɔ kɛ tsu ní