Wa He Nɛ Maa Be Ngɛ Fiɛɛmi Ní Tsumi ɔ Mi​—Moo Fiɛɛ Kɛ Tsɔɔ Nihi Tsuo Nɛ A Ngɛ O Zugba Kpɔ ɔ Mi

NƆ́ HE JE NƐ E HE HIA: Zakaria gba kaa nihi nɛ a je je ma slɔɔtohi a mi, nɛ a tuɔ gbi slɔɔtohi ɔ, a bua maa jɔ sane kpakpa a he. (Zak 8:23) Se mɛnɔ maa tsɔɔ mɛ ní? (Ro 10:13-15) E ji wa blɔ nya ní tsumi, kɛ he blɔ nɛ wa ná kaa wa maa fiɛɛ sane kpakpa a kɛ tsɔɔ nihi tsuo nɛ a ngɛ wa zugba kpɔ ɔ mi.​—od-E 84 ¶10-11.

BLƆ NƆ NƐ O MAA GU KƐ PEE:

• Mo dla o he. Anɛ o kɛ nihi nɛ a tuɔ gbi kpahi kpeɔ ngɛ o zugba kpɔ ɔ mi lo? O ma nyɛ maa ngɔ JW Language app ɔ kɛ to mo nitsɛ o fiɛɛmi munyu kpiti ko he blɔ nya ngɛ gbi kpa mi. Aloo o ma nyɛ maa ngɔ o fon loo tablɛti ɔ kɛ tsɔɔ nɔ ɔ bɔ nɛ e ma plɛ kɛ kase níhi fuu ngɛ lɛ nitsɛ e je gbi mi ha ngɛ jw.org ɔ nɔ

• Moo to nɔ́ he hɛ. Ke o ngɛ fiɛɛe ngɛ wehi a mi, nɛ o na kaa o ma nyɛ maa ye ni kpahi hu odase ɔ, ko ha nɛ jamɛ a he blɔ ɔ nɛ bɔ mo. Moo fiɛɛ kɛ tsɔɔ nihi nɛ a bee, aloo nihi nɛ a ngɛ lɔle mi. Ke o ngɛ odase yee ngɛ ma nɔ ɔ, ha nɛ e hi o juɛmi mi kaa e sa nɛ o fiɛɛ kɛ tsɔɔ nihi

• Bɔɔ mɔde nɛ o fiɛɛ kɛ tsɔɔ nihi tsuo. Moo kpale kɛ ya nihi nɛ o ya nɛ mɛ ngɛ we mi kekle ligbi ɔ, a ngɔ ekohu. Moo bɔ mɔde nɛ o fiɛɛ kɛ tsɔɔ nɔ fɛɛ nɔ ngɛ we ɔ mi. O ma nyɛ maa ya a ngɔ ligbi kpa, loo be kpa. Eko ɔ, e he maa hia kaa o ngma a ti ni komɛ womi, loo o fia mɛ ngɛ tɛlifoo nɔ, loo o fiɛɛ kɛ tsɔɔ mɛ ngɛ gbɛjegbɛ he

• Kpale ya slaa nihi nɛ a bua jɔ munyu ɔ he. Moo kpale ya slaa nihi nɛ a bua jɔ munyu ɔ he ɔ amlɔ nɔuu. Ke nɔ ɔ tuɔ gbi kpa a, moo bɔ mɔde nɛ o hla fiɛɛlɔ nɛ e tuɔ e gbi ɔ konɛ e ye bua lɛ. Moo hi e ngɔ yae kɛ ya si benɛ o maa na fiɛɛlɔ ko kaa jã.​—od-E 94 ¶39-40

NYƐƐ HYƐ VIDEO NƐ JI, WA FIƐƐƆ KƐ YA SUU “ZUGBA A NƆ HEHI NƐ A KƐ WAWƐƐ Ɔ.” LƆ Ɔ SE Ɔ, NYƐ HA SANE BIMI NƐ ƆMƐ A HETO:

• 

  Mɛni nyɛmimɛ ɔmɛ pee konɛ a nine nɛ su nihi nɛ a ngɛ zugba kpɔ nɛ he kɛ ɔ, a nɔ? (1Ko 9:22, 23)

• 

  Mɛni nyagbahi lɛ a kɛ kpe?

• 

  Mɛni jɔɔmihi nɛ a ná?

• Mɛni o ma nyɛ maa pee konɛ o nyɛ nɛ o fiɛɛ ha nihi fuu ngɛ o zugba kpɔ ɔ mi?