A To Wa He Blɔ Nya Konɛ Waa Fiɛɛ Ha Nihi Tsuo

Kaa bɔ nɛ Yehowa to Israel bi ɔmɛ a he blɔ nya a, jã kɛ̃ nɛ e to e we bi nɛ a ngɛ mwɔnɛ ɔ hu he blɔ nya konɛ a nyɛ nɛ a tsu ní tsumi nɛ e kɛ wo a dɛ ɔ. Ngɛ je ɔ mi tsuo ɔ, asafo ɔ ní tsumi kɔnihi, asafohi kɛ fiɛɛmi yami kuuhi tsuo tsuɔ ní kɛ blaa konɛ a nyɛ nɛ a fiɛɛ sane kpakpa a. Wa fiɛɛɔ ha nɔ fɛɛ nɔ, nɛ nihi nɛ a tuɔ gbi kpa hu piɛɛ he.​—Kpj 14:6, 7.

Anɛ o susu he hyɛ ke ji o ma nyɛ maa kase gbi kpa konɛ o nyɛ nɛ o ye bua nihi nɛ a kase anɔkuale ɔ lo? Ke o be be náe nɛ o kɛ maa kase gbi ko ɔ, o ma nyɛ maa ngɔ JW Language app ɔ kɛ kase bɔ nɛ o kɛ nɔ ko maa je ní sɛɛmi sisi ha. Ke o kɛ tsu ní ngɛ fiɛɛmi mi ɔ, eko ɔ, mo hu o maa nu he kaa bɔ nɛ Kristofohi nɛ a hi si ngɛ kaseli ɔmɛ a be ɔ mi ɔ nu he ɔ. A bua jɔ wawɛɛ benɛ e pee nihi nɛ a je ma kpahi a mi ɔ nyakpɛ kaa a nu “Mawu ní nguangua amɛ” ngɛ mɛ nitsɛmɛ a je gbi mi ɔ.​—Nít 2:7-11.

NYƐƐ HYƐ VIDEO NƐ JI, MOO PEE YEHOWA HUƐ​—MOO FIƐƐ NGƐ GBI KPA MI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni be nɛ o ma nyɛ maa ngɔ JW Language app ɔ kɛ tsu ní?

• 

  Mɛni ní komɛ lɛ ngɛ JW Language app ɔ nɔ?

• 

  Mɛni gbihi lɛ nihi tuɔ ngɛ o zugba kpɔ ɔ mi?

• Mɛni e sa kaa o pee ke nɔ ko nɛ́ e bua jɔ Matsɛ Yemi sɛ gbi ɔ he ɔ tuɔ gbi kpa?​—od-E 100-101 ¶39-41