KRISTOFOHI A SI HIMI
Anɛ O Naa Mawu Munyu ɔ Kaa E He Jua Wa Wawɛɛ Lo?
Munyuhi nɛ ngɛ Baiblo ɔ mi ɔ je Yehowa Mawu ngɔ. Lɛ ji nɔ nɛ e ha nɛ a ngma womi klɔuklɔu nɛ ɔ nɛ. (2Pe 1:20, 21) Baiblo ɔ tsɔɔ bɔ nɛ Mawu maa gu e Nɔ Yemi ɔ nɔ kɛ tsɔ he blɔ nɛ e ngɛ kaa lɛ nɛ e sa nɛ e ye wa nɔ ɔ he, nɛ enɛ ɔ haa nɛ wa náa hɛ nɔ kami kaa e be kɛe nɛ wa ma ná si himi kpakpa. Jehanɛ hu ɔ, Baiblo ɔ haa nɛ wa leɔ Yehowa nɛ ji wa hiɔwe Tsɛ ɔ su kpakpa amɛ.—La 86:15.
Yi mi tomi he je nɛ wa ti nɔ fɛɛ nɔ naa Yehowa Munyu ɔ kaa e he jua wa a ngɛ ekpaekpa. Se anɛ wa kaneɔ Baiblo ɔ daa ligbi nɛ waa kɛ níhi nɛ wa kaseɔ ngɛ mi ɔ tsuɔ ní kɛ tsɔɔ kaa nike ní nɛ ɔ he jua wa ha wɔ lo? Nyɛ ha nɛ wa ní peepeehi nɛ tsɔɔ kaa waa kɛ la polɔ ɔ kpa gbi. E de ke: “I suɔ o mlaa a kaa nɔ́ ko!”—La 119:97.
NYƐƐ HYƐ VIDEO NƐ JI A BU BAIBLO Ɔ KAA NƆ́ KO NƐ HE JUA WA—FÃ KO (WILLIAM TYNDALE), LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni he je nɛ William Tyndale tsɔɔ Baiblo ɔ fã komɛ a sisi ɔ?
Mɛni he je nɛ mɔde nɛ e bɔ kaa e maa tsɔɔ Baiblo ɔ sisi ɔ sa kadimi wawɛɛ ɔ?
Mɛni blɔ nɔ a gu kɛ ju si kɛ ngɔ Baiblo nɛ Tyndale tsɔɔ sisi ɔ kɛ ya England?
Mɛni wa ti nɔ fɛɛ nɔ ma nyɛ maa pee kɛ tsɔɔ kaa Mawu Munyu ɔ he jua wa kɛ ha lɛ?