Mo Hla Nile Nɛ Maa Ye Bua Mo Ngɛ O Si Himi Mi Ngɛ JW.ORG ɔ Nɔ

Mawu Munyu ɔ yeɔ bua wɔ wawɛɛ konɛ wa nyɛ nɛ waa da kahi nɛ waa kɛ kpeɔ ngɛ nyagbe ligbi nɛ ɔmɛ a mi ɔ nya. (2Ti 3:1, 16, 17) Se loloolo ɔ, be komɛ ɔ, wa maa hia yemi kɛ buami kɛ hla Baiblo sisi tomi mlaahi nɛ kɔɔ si fɔfɔɛ pɔtɛɛ komɛ a he. Kaa nɔ hyɛmi nɔ́ ɔ, o ji fɔlɔ nɛ o ngɛ ga womi hlae ngɛ bɔ nɛ o ma plɛ kɛ tsɔse o bimɛ ha a he lo? Anɛ o ji niheyo loo yiheyo nɛ o kɛ o hemi kɛ yemi ɔ he ka ngɛ kpee lo? Anɛ o ngɛ aywilɛho yee ngɛ o huno loo o yo nɛ gbo ɔ he lo? O maa na munyuhi ngɛ jw.org ɔ nɔ nɛ maa tsɔɔ mo Baiblo sisi tomi mlaa pɔtɛɛ komɛ nɛ maa ye bua mo ngɛ si fɔfɔɛ nɛ ɔmɛ kɛ ekpahi kaa jã nɛ o kɛ ngɛ kpee ɔmɛ a mi.​—Abɛ 2:3-6.

Ngɛ jw.org ɔ nɔ ɔ, yaa BAIBLO TSƆƆMIHI blɔ he ɔ. (Hyɛ foni 1.) Moo hla nɔ́ nɛ o bua jɔ he ngɛ níhi nɛ a maa ba ngɛ lɔ ɔ sisi ɔ mi. Aloo moo ya NITO HE > MUNYUHI NƐ NGƐ blɔ he ɔ, nɛ o hla nɔ́ nɛ o suɔ nɛ o maa kane ɔ. (Hyɛ foni 2.) O ma nyɛ maa na blɔ he nɛ ɔmɛ nɔuu ngɛ JW Library^® ɔ nɔ.a Ke o suɔ ɔ, o ma nyɛ maa kane munyu nɛ ɔmɛ ngɛ jw.org aloo JW Library ɔ nɔ. O ma nyɛ maa ngɔ hlá blɔ he ɔ hu kɛ hla munyu pɔtɛɛ ko ngɛ jw.org ɔ nɔ.

Moo ngma munyuyi nɛ nyɛɛ se nɛ ɔmɛ ngɛ hlá blɔ he ɔ, nɛ o kadi munyuhi nɛ o maa suɔ nɛ o kane ɔ kɛ fɔ si.

• Bimɛ a tsɔsemi

• Níhi nɛ maa ye bua nihewi kɛ yihewi

• Ke o yo loo o huno gbo