Bɔ Nɛ O kɛ Wɛbsaiti ɔ Ma Tsu Ní Ha

Bɔ Nɛ O Ma Hla Munyuhi Nɛ Ngɛ Jw.Org ɔ Nɔ Ha

Nyɛmimɛ fuu ngɔɔ munyuhi nɛ ngɛ jw.org ɔ nɔ sisije blɔ he ɔ kɛ tsuɔ ní ngɛ fiɛɛmi mi. E yi kulaa kaa o kɛ maa mane nɔ ko ngɛ fon nɔ, nɛ e tsɔɔ bɔ nɛ níhi nɛ ngɛ nɔ yae ngɛ je ɔ mi lingmi nɛ ɔ ha nɛ Baiblo gbami ngɛ mi bae ha. Kaa bɔ nɛ nyɛminyumu ko de ɔ, akɛnɛ blɔ nɛ wa guɔ nɔ kɛ fiɛɛɔ ɔ hɛ mi tsake lingmi nɛ ɔ he je ɔ, munyuhi nɛ a ngɛ jw.org ɔ nɔ ɔ ji “níhi nɛ maa ye bua wɔ konɛ wa nyɛ nɛ wa tsu wa fiɛɛmi ní tsumi ɔ amlɔ nɛ ɔ.”

Se akɛnɛ níhi nɛ a kɛ fɔɔ sisije blɔ he ɔ tsakeɔ he je ɔ, mɛni blɔ nɔ wa ma nyɛ maa gu kɛ na munyuhi nɛ a be lejɛ ɔ hu ɔ?

• Ngɛ jw.org sisije blɔ he ɔ, moo nyɛ “See More” link ɔ ngɛ yiti je ɔ nɔ. Link nɛ ɔ kɛ mo maa ya munyuyi nɛ ji, “Níhi Nɛ A Kɛ Fɔ Wɛbsaiti ɔ Nɔ Lingmi Nɛ ɔ,” kɛkɛ o maa na níhi fuu nɛ a kɛ fɔ lejɛ ɔ kɛ we ɔ.

• Ngɛ jw.org loo JW Library^® ɔ nɔ ɔ, Moo ya “Nito He” blɔ he ɔ, lɔ ɔ se ɔ, yaa “Munyuhi Nɛ Ngɛ,” kɛkɛ nyagbe ɔ, yaa “Munyu kpahi Nɛ Ngɛ.” O maa na níhi nɛ a kɛ fɔ jw.org ɔ nɔ ngɛ sisije blɔ he ɔ.