JUETLI NƐ NGƐ MAWU MUNYU Ɔ MI

“Ye Tsui Maa Hi Lejɛ ɔ Be Fɛɛ Be”

Yehowa hla sɔlemi we ɔ kɛ ha e he (2Kron 7:11, 12)

Yehowa de ke e tsui maa hi lejɛ ɔ be fɛɛ be, nɛ tsɔɔ kaa e hɛngmɛ maa hi níhi nɛ yaa nɔ ngɛ sɔlemi we ɔ mi ɔ he daa ligbi (2Kron 7:16; mwbr23.03 bf. 3 kk. 4)

Ke ma a mi bi ɔmɛ sɔmɔ we Yehowa kɛ “a tsui tsuo ɔ,” e maa ngmɛ blɔ nɛ a ma kpata sɔlemi we ɔ hɛ mi (2Kron 6:14; 7:19-21; mwbr23.03 bf. 3 kk. 5)

Foni ɔmɛ: Níhi nɛ wa peeɔ kɛ sɔmɔɔ Yehowa. 1. Nyɛminyumu ko nɛ e ngɛ sɔlee. 2. Nyɛmiyo ko nɛ e ngɛ sane heto hae ngɛ asafo mi kpe sisi. 3. Nyɛminyumu ko kɛ e yo nɛ a ngɛ fiɛɛmi mi. 4. Nyɛminyumu ko nɛ e ngɛ Matsɛ Yemi Asa a nɔ dlae. 5. Nyɛminyumu ko kɛ e yo kɛ a bimɛ enyɔ nɛ a ngɛ weku Mawu jami pee. 6. Nyɛmiyo ko nɛ e ngɛ Baiblo ɔ kanee. 7.Nyɛmiyo ko nɛ e kɛ sika ngɛ yemi kɛ buami daka a mi woe.

Benɛ a ngɛ sɔlemi we ɔ nɔ jɔɔe ɔ, eko ɔ, ma a mi bi ɔmɛ ma susu kaa a maa ya nɔ nɛ a kɛ a tsui tsuo ma sɔmɔ Yehowa ngɛ sɔlemi we ɔ be fɛɛ be. Se aywilɛho sane ji kaa bɔɔbɔɔbɔɔ ɔ, kã nɛ a kɛ ngɛ Yehowa sɔmɔe ɔ nya ba si.

MO BI O HE KE, ‘Mɛni i ngɛ pee nɛ tsɔɔ kaa i kɛ ye tsui tsuo ngɛ Yehowa sɔmɔe?’