KRISTOFOHI A SI HIMI
A Tsuɔ Ní Wawɛɛ Kɛ Sɔmɔɔ Wɔ
Kpɔ mi nɔ hyɛli kɛ a yihi jeɔ suɔmi mi nɛ a kɛ a he sãa afɔle kɛ sɔmɔɔ nihi nɛ a ya slaa mɛ ɔ. Kaa bɔ nɛ wɔ hu wa kɔni mi jɔ̃ɔ, wa peeɔ yeyeeye nɛ pɔ tɔɔ wa he ɔ, jã a kɛ̃ nɛ mɛ hu a nuɔ he. (Yak 5:17) Se kɛ̃ ɔ, daa otsi ɔ a ngɔɔ a juɛmi kɛ maa nyɛmimɛ nyumuhi kɛ yihi nɛ a ngɛ asafo ɔ mi nɛ a ma ya slaa mɛ nɛ a maa wo mɛ he wami ɔ nɔ. Ngɛ anɔkuale mi ɔ kpɔ mi nɔ hyɛli “sa bumi nɛ e bɔ he si enyɔ.”—1Ti 5:17.
Benɛ Paulo to blɔ nya kaa e ma ya slaa Roma asafo ɔ konɛ e ‘ha mɛ mumi mi nike ní ɔ’, e hyɛ blɔ kaa e kɛ mɛ tsuo a ‘maa wo a sibi he wami’ (Ro 1:11, 12) Ke o kpɔ mi nɔ hyɛlɔ ɔ ji nɔ nɛ sɛ gba si himi mi ɔ, anɛ o susu blɔ nɔ nɛ o ma nyɛ maa gu konɛ o wo e kɛ e yo ɔ he wami ɔ he lo?
NYƐƐ HYƐ VIDEO NƐ JI, BƆ NƐ KPƆ MI NƆ HYƐMI NÍ TSUMI Ɔ NGƐ HA NGƐ KƆPEHI A MI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni blɔhi a nɔ nɛ kpɔ mi nɔ hyɛli kɛ a yihi gu kɛ je suɔmi kpo nɛ a ngɔ níhi kɛ sa afɔle kɛ ha asafo ɔ?
Kɛ o ná a mɔde bɔmi ɔ he se ha kɛɛ?
Kɛ wa ma plɛ kɛ wo mɛ he wami ha kɛɛ?