KRISTOFOHI A SI HIMI
Ngɔɔ JW.ORG ɔ Kɛ Tsu Ní Ngɛ Fiɛɛmi Mi
A to munyuhi kɛ videohi nɛ maa ta tsui kpakpatsɛmɛ a tsui he ɔ he blɔ nya ngɛ JW.ORG ɔ nɔ. (Nít 13:48) A kɛ munyuhi nɛ nihi pɔɔ he susumi, níhi nɛ nihi pɔɔ he munyu tumi aloo munyuhi nɛ a fiaa he adafi ɔ pɔɔ lejɛ ɔ fɔmi.
Kɛ o kɛ jw.org ɔ ma tsu ni ngɛ fiɛɛmi mi ha kɛɛ?
Moo pɔ wɛbsaiti ɔ nɔ yami. Mo kadi ní hehi nɛ a kɛ fɔ lejɛ ɔ konɛ o hyɛ bɔ nɛ o ma nyɛ kɛ ye bua nihi nɛ a ngɛ munyu ɔ he bua jɔmi ɔ ha. (Ke o suɔ nɛ o na ní hehi nɛ a kɛ fɔ jw.org ɔ nɔ ɔ, moo nyɛ̃ “See More” nɔ.) Ke o pɔɔ wɛbsaiti ɔ nɔ yami ɔ, e maa ye bua mo konɛ o na ní hehi nɛ o kɛ ma tsu ní ngɛ fiɛɛmi mi be fɛɛ be.
Ngɔɔ munyuhi kɛ videohi nɛ a kɛ fɔɔ jw.org ɔ nɔɔ kɛ je ní sɛɛmi sisi. Enɛ ɔ maa ye bua wɔ konɛ waa le níhi nɛ nihi nɛ a ngɛ wa zugba kpɔ ɔ mi ɔ susuɔ he.
Moo tsɔɔ nihi nɛ a ya jw.org ɔ nɔ. Moo tu munyuyi pɔtɛɛ komɛ a he munyu kɛ tsɔɔ nɔ ɔ nɛ o tsɔɔ lɛ bɔ nɛ e ma plɛ kɛ ya wɛbsaiti ɔ nɔ ha.
Moo mane nɔ ɔ link. Ni komɛ sume kaa a kɛ wɔ maa sɛɛ ní hɛ mi kɛ hɛ mi, se a suɔ kaa a maa ya wa wɛbsaiti ɔ nɔ. Lɔ ɔ he ɔ, mo ko to tsle kaa o ma ngɔ wa wɛbsaiti ɔ he link loo munyu pɔtɛɛ ko loo video ko nɛ a kɛ fɔ nɔ ɔ kɛ mane nihi nɛ a bua jɔ munyu ɔ he ɔ.