Ní Komɛ Nɛ Maa Ye Bua Mo

Moo Kase Babauu Kɛ Kɔ Yehowa Su Kpakpa Amɛ A He

Ke wa ngɛ Baiblo ɔ kanee ɔ, wa ma nyɛ ma hla níhi a mi konɛ waa nu nɔ́ nɛ wa ngɛ kasee ɔ sisi saminya. Se kɛ̃ ɔ, wa sume nɛ waa kase Baiblo ɔ nɛ waa le níhi nɛ ngɛ mi pɛ kɛkɛ. Mohu ɔ, wa suɔ nɛ wa hla junehi nɛ ngɛ ngmami ɔ mi nɛ kɔɔ Yehowa su ɔmɛ a he ɔ konɛ suɔmi nɛ wa ngɛ kɛ ha lɛ ɔ mi nɛ wa. Bɔ nɛ pee nɛ wa nyɛ nɛ waa pee jã a, wa ma nyɛ ma bi wa he ke, ‘Mɛni nɛ Baiblo mi sane nɛ ɔ tsɔɔ mi ngɛ Yehowa he?’

Kaa nɔ hyɛmi nɔ́ ɔ, wa ma nyɛ maa bɔ mɔde kaa wa ma hla níhi a mi kɛ kɔ Yehowa suhi nɛ ji suɔmi, nile, dami sane yemi kɛ e he wami ɔ he. Jehanɛ hu ɔ, Yehowa ngɛ su kpakpahi fuu nɛ wa ma nyɛ maa kase a he ní. Jije o ma nyɛ ma hla níhi a mi ngɛ kɛ kɔ e su ɔmɛ a he?

Moo hyɛ Mawu suhi kakaaka 50 kɛ se nɛ ngɛ Watch Tower Publications Index ɔ mi, nɛ ngɛ munyuyi nɛ ji “Jehovah” a sisi. Lɔ ɔ se ɔ, moo hyɛ munyuyi wayoo nɛ ji “Qualities by Name.” Mo hla níhi a mi kɛ kɔ Baiblo mi sane nɛ o ngɛ kanee ɔ he. (Ke Research Guide for Jehovah’s Witnesses ɔ pɛ nɛ o kɛ ma nyɛ ma tsu ní ɔ, lɛɛ moo hyɛ munyuyi nɛ ji “Jehovah God” ɔ, lɔ ɔ se ɔ moo hyɛ munyuyi wayoo nɛ ji “Jehovah’s Qualities.”)