Anɛ E Sa Nɛ O Kpa Lo?

Ke wa ya fiɛɛmi ɔ, fiɛɛli komɛ pɔɔ kpami ngɛ be pɔtɛɛ ko mi, eko ɔ, ngmlɛ nyɔngma kɛ enyɔ. Anɔkuale mi ɔ, bɔnɛ ni komɛ a sifɔfɔɛ ngɛ ha heje ɔ, e biɔ nɛ a kpa fiɛɛmi ngɛ be pɔtɛɛ ko mi. Se anɛ o kpaa fiɛɛmi akɛnɛ nihi nɛ a ngɛ o kuu ɔ mi ɔ kpa loo akɛnɛ fiɛɛli nɛ ngɛ o kpɔ ɔ mi ɔ pɔɔ kpami ngɛ be pɔtɛɛ ko mi ɔ heje lo? Anɛ o ma nyɛ maa ngɔ be bɔɔ kɛ ye odase ngɛ ma nɔ, kaa eko ɔ, fiɛɛmi ngɛ gbɛjegbɛ he lo? Anɛ o ma nyɛ maa pee se slaami kake loo enyɔ be mi nɛ o yaa we mi lo? Moo susu yiblii kpakpa nɛ e maa wo ke o ná nɔ kake pɛ po ngɛ we mi nɛ e bua jɔ munyu ɔ he loo o ha nɔ ko nɛ e bee womi tɛtlɛɛ ɔ eko ɔ he nɛ o hyɛ! Ke e he hia we kaa wa kpa a, lɛɛ wa se nɛ e maa kɛ bɔɔ ɔ ji blɔ kpiti nɔ nɛ wa maa gu kɛ ha nɛ wa ‘yi jemi afɔle sami’ ɔ nɛ hiɛ.—Heb. 13:15.