“Ke O Ngɔ Ye Womi ɔ, Imi Hu Ma Ngɔ O Nɔ ɔ”

Wetsɛmɛ fuu pɔɔ munyu nɛ ɔ tumi. Akɛnɛ waa kɛ wa Baiblo kasemi níhi tsakee we jami mi womihi nɛ gbɛɛ lakpa tsɔɔmihi kɛ fia a heje ɔ, mɛni blɔ nɔ wa maa gu kɛ je munyu nɛ ɔ nya ngɛ ga blɔ nɔ? (Rom. 1:25) Wa ma nyɛ ma de ke: “Mo tsu mi. Mɛni nɛ o womi ɔ tsɔɔ kaa e ji adesahi a haomihi a nya tsaba? [Ngmɛɛ lɛ blɔ nɛ e ha heto. Ke e de mo kaa o kane heto ɔ ngɛ e womi ɔ mi ɔ, o ma nyɛ ma kai lɛ kaa o de lɛ níhi nɛ ngɛ o womi ɔ mi loko o kɛ ngɛ lɛ hae ɔ nɛ. Kɛkɛ ɔ, moo kane Mateo 6:9, 10 aloo mo tsɛ se.] Yesu tsɔɔ kaa Mawu Matsɛ Yemi ɔ ma ha nɛ a pee Mawu suɔmi nya ní ngɛ zugba a nɔ. Enɛ ɔ he ɔ, jami womi nɛ tuɔ Mawu Matsɛ Yemi ɔ he munyu pɛ ji nɔ́ nɛ i kaneɔ. Ha ma tsɔɔ mo ní pɔtɛɛ komɛ nɛ Baiblo ɔ tsɔɔ kaa Mawu Matsɛ Yemi ɔ maa pee.”