Koo Hwɔ Mahe Ngɛ Mumi Mi Be Mi Nɛ O Si Himi Tsake

Ngɛ nyagbe ligbi nɛ ɔmɛ a mi ɔ, tsakemihi maa ba kokooko. (1Kor 7:31) Ke wa hyɛ tsakemi blɔ jio, wa hyɛ we blɔ jio, tsakemi ɔ hi jio, e hí jio, e ma nyɛ maa sa jami nɛ waa kɛ haa Yehowa, kɛ huɛ bɔmi nɛ ngɛ waa kɛ lɛ wa kpɛti ɔ he. Ke wa si himi tsake ɔ, mɛni maa ye bua wɔ konɛ wa hɛ nɛ hi wa he nɔ ngɛ mumi mi? Nyɛɛ hyɛ video nɛ ji, Nyɛ Nane Nɛ Pi Si Ngɛ Mawu Jami Mi​—Ke Nyɛ Hia Kɛ Yaa Hi He Kpa. Lɔ ɔ se ɔ, nyɛ ha sane bimihi nɛ nyɛɛ se ɔ heto:

• Mɛni ga nɛ nyɛminyumu ko wo tsɛ ɔ?

• Kɛ sisi tomi mlaa nɛ ngɛ Mateo 7:25 ɔ kɔɔ a weku ɔ he ha kɛɛ?

• Mɛni weku ɔ pee kɛ dla a he loko a hia kɛ ho he kpa ya, nɛ kɛ jã nɛ a pee ɔ ye bua mɛ ha kɛɛ?

• Mɛni ye bua weku ɔ nɛ a nyɛ nɛ a pee tsakemihi kɛ ha asafo ehe ɔ kɛ zugba kpɔ ehe ɔ mi himi?

Mɛni Tsakemi nguahi nɛ ba ye si himi mi lingmi nɛ ɔ?

Kɛ sisi tomi mlaahi nɛ ngɛ video nɛ ɔ mi ɔ maa ye bua mi ha kɛɛ?