• Psalm 14:1-7
    Die Bybel – Nuwe Wêreld-vertaling

    • 14 Die dwaas sê in sy hart:

      “Daar is geen Jehovah nie.”+

      Hulle dade is korrup en hulle optrede is afskuwelik.

      Nie een van hulle doen wat goed is nie.+

       2 Maar Jehovah kyk vanuit die hemel na die mense

      om te sien of enigiemand insig het en of enigiemand Jehovah se leiding soek.+

       3 Hulle het almal afgedwaal,+

      en hulle is almal goddeloos.

      Niemand doen wat goed is nie,

      nie eers een nie.

       4 Is daar nie eers een oortreder wat verstaan nie?

      Hulle verslind my volk asof hulle brood eet.

      Hulle roep Jehovah nie aan nie.

       5 Maar hulle sal met groot vrees vervul word,+

      want Jehovah is met die geslag van die regverdiges.

       6 Julle, die oortreders, probeer om die planne van die hulpelose te laat misluk,

      maar Jehovah is sy skuilplek.+

       7 O mag Israel se redding uit Sion kom!+

      Wanneer Jehovah sy gevange volk weer terugbring,

      laat Jakob bly wees, laat Israel vreugdevol wees.