• Psalm 53:opskrif-6
    Die Bybel – Nuwe Wêreld-vertaling

    • Vir die musiekleier: In die styl van Mahalat.* Maskil.* Van Dawid.

      53 Die dwaas* sê in sy hart:

      “Daar is geen Jehovah nie.”+

      Hulle onregverdige dade is korrup en afskuwelik.

      Nie een van hulle doen wat goed is nie.+

       2 Maar God kyk vanuit die hemel na die mense+

      om te sien of enigiemand insig het en of enigiemand Jehovah se leiding soek.+

       3 Hulle het almal afgedwaal,

      en hulle is almal goddeloos.

      Niemand doen wat goed is nie,

      nie eers een nie.+

       4 Is daar nie eers een oortreder wat verstaan nie?

      Hulle verslind my volk asof hulle brood eet.

      Hulle roep Jehovah nie aan nie.+

       5 Maar hulle sal met groot vrees vervul word,

      ’n vrees wat hulle nog nooit ondervind het nie,*

      want God sal al die beendere verstrooi van dié wat jou aanval.*

      Jy sal hulle verneder, want Jehovah het hulle verwerp.

       6 O mag Israel se redding uit Sion+ kom!

      Wanneer Jehovah sy gevange volk weer terugbring,

      laat Jakob bly wees, laat Israel vreugdevol wees.

  • Romeine 3:10-12
    Die Bybel – Nuwe Wêreld-vertaling

    • 10 net soos daar geskryf is: “Daar is nie ’n regverdige mens nie, nie eers een nie.+ 11 Daar is niemand wat enige insig het nie. Daar is niemand wat God soek nie. 12 Alle mense het afgedwaal. Hulle almal het waardeloos geword. Daar is niemand wat doen wat goed is nie, nie eers een nie.”+