“Dit was die eerste boek wat hy ooit gelees het”

Jehovah se Getuies in die Oekraïne praat dikwels met diegene wat vir treine wag. Een vrou wat belangstelling in die Bybel getoon het, is voorsien van ’n eksemplaar van My boek met Bybelverhale, ’n publikasie wat talle prente bevat in sy chronologiese Bybelgeskiedenis.

Later het die vrou die Getuie weer by dieselfde stasie gesien en haar vir die boek bedank en verduidelik: “My seun wou nie uit sy skoolboeke leer nie. Hy het hulle beswaarlik gelees. Maar toe ek hom die Bybelverhale-boek gee, het hy die prente gesien en wou dit baie graag lees. Hy het die boek in omtrent twee weke deurgelees. Dit was die eerste boek wat hy ooit gelees het. Maar die belangrikste is dat hy bly was om God te leer ken. En ek is self bly om hierdie veranderinge in hom te sien. Gee my asseblief nog iets om te lees.”

’n Ander vrou het daar naby gestaan en hierdie verhaal gehoor. Sy het gevra of sy ’n eksemplaar van My boek met Bybelverhale kon kry. Jy kan ook meer inligting verkry oor hoe om ’n eksemplaar van hierdie boek met 256 bladsye te ontvang of vra dat iemand jou tuis besoek om die waarde van Bybelonderrig met jou te bespreek, deur te skryf aan Wagtoring, Privaatsak X2067, Krugersdorp, 1740, Suid-Afrika of na die adres naaste aan jou op bladsy 5.