‘’n Tydskrif wat God se steun geniet’

’N MAN wat die Bybel saam met Jehovah se Getuies in Nigerië studeer, het ’n seminaar bygewoon wat deur die Inter-Afrika-komitee oor Vroue en Kinders gereël is. Hy het twee onlangse nommers van die Ontwaak! saamgeneem.

Op die eerste dag van die seminaar het die man agtergekom dat die spreker inligting gebruik uit een van die tydskrifte wat hy by hom gehad het. Die voorbladreeks was “Die lewe is die moeite werd” (22 Oktober 2001). Hy het dus onmiddellik sy Ontwaak! uitgehaal en daarin begin volg.

Aan die einde van die dag het ’n regsgeleerde wat die volgende dag ’n lesing moes gee, die ander Ontwaak! gesien wat die Bybelstudent by hom gehad het, met die voorbladreeks “Hulp vir mishandelde vroue”. Die regsgeleerde wou dit leen. Daardie aand het hy sy oorspronklike skets weggegooi en ’n nuwe lesing voorberei wat op die Ontwaak!-artikels gegrond was. Die volgende dag, terwyl die regsgeleerde sy lesing gegee het, het ’n vrou wat in dieselfde ry as die Bybelstudent gesit het, haar Ontwaak! uitgehaal en daarin begin volg.

Die Bybelstudent kon self ’n nuttige bydrae tot die besprekings by die seminaar lewer omdat hy die Ontwaak!-artikels gelees het. Hy het gesê: ‘Hierdie tydskrif geniet ongetwyfeld God se steun.’

Wil jy hê dat hierdie tydskrif gereeld by jou huis afgelewer word? Vra gerus een van Jehovah se Getuies om dit vir jou te reël.