God se naam word bekend gemaak!

● Loop deur die strate van die skilderagtige Orleans-eiland, naby die stad Quebec, Kanada, en jy sal sien dat die vroeë nedersetters baie godsdienstig was. Historiese kapelle, herinneringe aan ’n vervloë era, kan nog steeds gesien word langs die straat wat om die eiland loop, en elke gemeente het sy eie kerk.

In die dorp St. Pierre staan Quebec se oudste plattelandse kerk, wat uit 1717 dateer. In die gebou, wat nou ’n kunsgalery is, is daar iets buitengewoons. Bo die altaar is die Tetragrammaton—die vier Hebreeuse letters wat die persoonlike naam uitmaak van die God van die Bybel, Jehovah.

Vandag word God se naam skaars in ’n Katolieke kerk gehoor, wat nog te sê gesien. Om die waarheid te sê, volgens ’n dokument wat in 2008 deur die Vatikaan uitgegee is, mag God se naam op bevel van die pous “nie gebruik of uitgespreek word” in Katolieke dienste, gesange of gebede nie. Maar die Bybel toon duidelik dat Jehovah God wil hê dat sy naam ‘oor die hele aarde bekend gemaak’ moet word.—Eksodus 9:16.

Jehovah se Getuies voel dat baie meer nodig is om God te behaag as om net sy naam in ’n gebou te vertoon. Hulle bestee elke jaar regoor die wêreld meer as 1,5 miljard uur daaraan om mense oor God se naam en voornemens te leer. Hulle het selfs God se naam, Jehovah, tot sy regmatige plek herstel. Die Bybel wat hulle uitgee—Die Nuwe Wêreld-vertaling van die Heilige Skrif—bly getrou by die teks in die oorspronklike tale, waarin die naam Jehovah sowat 7 000 keer verskyn. Tot op hede is meer as 165 000 000 eksemplare van die Nuwe Wêreld-vertaling in sy geheel of gedeeltelik in 83 tale gedruk. Wanneer dit kom by God se naam, Jehovah, is die vraag in werklikheid nie ‘Watter rede het ons om dit te gebruik?’ nie, maar ‘Watter rede het ons om dit nie te gebruik nie?’

[Prent op bladsy 21]

Die Nuwe Wêreld-vertaling, waarin die naam Jehovah sowat 7 000 keer voorkom, word in sy geheel of gedeeltelik in 83 tale gedruk