Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w04 2/1 bl. 3-4
  • Geestelikheid en jou welstand

Video nie beskikbaar nie.

Jammer, die video kon nie laai nie.

  • Geestelikheid en jou welstand
  • Die Wagtoring kondig Jehovah se Koninkryk aan—2004
  • Onderhofies
  • Soortgelyke materiaal
  • ’n Direkte verband
  • Handhaaf jou geloof en geestelike gesondheid
    Die Wagtoring kondig Jehovah se Koninkryk aan—1989
  • Wat is geestelikheid? Kan ek geestelik wees al behoort ek nie aan ’n godsdiens nie?
    Antwoorde op Bybelvrae
  • Inhoudsopgawe
    Ontwaak! – 2019
  • Die soeke na geestelikheid
    Die Wagtoring kondig Jehovah se Koninkryk aan—2007
Sien nog
Die Wagtoring kondig Jehovah se Koninkryk aan—2004
w04 2/1 bl. 3-4

Geestelikheid en jou welstand

JY BESTEE moontlik baie tyd daaraan om na jou fisiese gesondheid om te sien. Elke dag gebruik jy dalk tot agt uur om te slaap, ’n paar uur om te kook en te eet en nog agt uur of wat om te werk sodat jy kan betaal vir ’n plek om te slaap en kos om te eet. As jy siek word, bestee jy waarskynlik tyd en geld daaraan om ’n dokter te gaan spreek of om ’n boereraat aan te maak. Jy maak skoon, bad en oefen dalk selfs gereeld, alles ter wille van goeie gesondheid.

Maar goeie gesondheid behels meer as om net na jou fisiese behoeftes om te sien. Daar is iets anders wat ’n belangrike rol in jou welstand speel. Mediese navorsing het getoon dat jou fisiese gesondheid ten nouste verband hou met jou geestelike gesondheid​—jou geestelikheid of ’n gebrek daaraan.

’n Direkte verband

“Die meeste oorspronklike navorsingsartikels oor die onderwerp het ’n direkte verband getoon tussen groter geestelikheid en beter gesondheid”, sê professor Hedley G. Peach van die Universiteit van Melbourne, Australië. The Medical Journal of Australia (MJA) lewer kommentaar oor hierdie bevindings en sê: “Godsdienstigheid is ook met . . . laer bloeddruk, laer cholesterol . . . en selfs ’n laer risiko van dikdermkanker verbind.”

Ook volgens ’n studie van 6 545 mense wat in 2002 gedoen is deur die Universiteit van Kalifornië (UK), Berkeley, Verenigde State, was “die risiko van sterftes onder mense wat een maal per week kerkdienste bywoon, aansienlik laer vergeleke met diegene wat dit minder gereeld of nooit doen nie”. Doug Oman, hoofsamesteller van die studie en ’n dosent by UK-Berkeley se Fakulteit van Openbare Gesondheid, het gesê: “Ons het hierdie verskil gevind selfs nadat ons faktore soos sosiale bande en gesondheidspatrone, waaronder die rookgewoonte en oefening, in ag geneem het.”

MJA noem ander voordele wat diegene met ’n geestelike lewensbeskouing geniet en sê: “Studies in Australië het aan die lig gebring dat daar onder godsdienstige mense stabieler huwelike, minder alkohol- en dwelmmisbruik, minder selfmoorde en sterker gevoelens teen selfmoord, minder angs en depressie en meer naasteliefde is.” Daarbenewens berig BMJ (voorheen bekend as The British Medical Journal): “Mense met sterker geestelike oortuigings verwerk hulle droefheid ná die dood van ’n geliefde blykbaar gouer en beter as mense wat geen geestelike oortuigings het nie.”

Daar is verskillende menings oor wat ware geestelikheid is. Hoe dit ook al sy, jou geestelike toestand het ’n groot uitwerking op jou fisiese en geestesgesondheid. Dit strook met ’n stelling wat Jesus Christus byna 2 000 jaar gelede gemaak het. Hy het gesê: “Gelukkig is dié wat bewus is van hulle geestelike behoefte” (Matteus 5:3). Aangesien jou gesondheid en geluk deur jou geestelike toestand beïnvloed word, maak dit sin om te vra: ‘Waar kan ek betroubare geestelike leiding vind? Wat behels dit om ’n geestelike persoon te wees?’

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel