Teokratiese Nuus

♦ Bolivia het vir April ’n hoogtepunt van 4,207 verkondigers gerapporteer, ’n vermeerdering van 16 persent. Hulle het ook ’n hoogtepunt van 7,190 Bybelstudies gehad. Chili rapporteer ’n hoogtepunt van 25,287 verkondigers (’n vermeerdering van 15 persent)en 35,134 studies.

♦ Brittanje het in April ’n hoogtepunt van 100,115 verkondigers bereik, sodat hulle nou die sewende land met meer as 100,000 Koninkryksverkondigers is. Die gemeentelike verkondigers het gemiddeld 10 uur in die diens deurgebring ten spyte van ontydige koue weer.

♦ In die Dominikaanse Republiek was daar in April ’n hoogtepunt van 8,789 verkondigers, ’n vermeerdering van 11 persent. Dit was hulle negende opeenvolgende hoogtepunt. Hulle het ook hoogtepunte in gewone pioniers, hulppioniers, ure, tydskrifte, herbesoeke en studies gehad. Hulle het 15,641 studies gehou en gemeentelike verkondigers het elk gemiddeld 1,1 studies gehad.

♦ In Italië was April ’n maand van voortreflike bedrywigheid. Hulle rapporteer ’n hoogtepunt van 125,297 verkondigers. Daar is ook 78 nuwe gemeentes gedurende die maand gestig.

♦ Luxemburg rapporteer hulle agtste opeenvolgende hoogtepunt in verkondigers met 1,222 in April. Dit was ’n vermeerdering van 11 persent.

♦ Nigerië rapporteer ’n hoogtepunt van altesaam 121,729 verkondigers in April. Hulle het ’n hoogtepunt in hulppioniers gehad en rapporteer ’n hoogtepunt van 128,299 Bybelstudies.

♦ Spanje het in April die 60,000-kerf verbygesteek met ’n hoogtepunt van 61,110 Koninkryksverkondigers. Dit was ’n vermeerdering van 11 persent.

♦ Sri Lanka het in April hulle sesde opeenvolgende hoogtepunt gehad met 852 wat gerapporteer het, ’n vermeerdering van 12 persent. Die Gedenkmaal is bygewoon deur 2,975.