Teokratiese nuus

Suid-Afrika: ’n Geskiedkundige vergadering is op 3 en 4 Augustus 1991 in Bloemfontein gehou toe 22 Streekboukomitees wat deur 102 afgevaardigdes van oral oor die land verteenwoordig is, bymekaargekom het om die groot behoefte aan meer Koninkryksale te bespreek. Ons het 257 sale in die land. Ons het op die oomblik nog 259 sale nodig om die agterstand in te haal. Aandag is geskenk aan vinnige en ekonomiese boumetodes. Die samekoms van komiteelede van die verskillende streke was nuttig. Die entoesiastiese afgevaardigdes is terug huis toe, vasbeslote om hulle bouprogram verder te bespoedig. Julle getroue ondersteuning van die Koninkryksaalbouprogram word hoog op prys gestel.