Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • km 10/85 bl. 1-7
  • Verkondig redding met unieke tydskrifte

Video nie beskikbaar nie.

Jammer, die video kon nie laai nie.

  • Verkondig redding met unieke tydskrifte
  • Ons Koninkryksbediening—1985
  • Onderhofies
  • Soortgelyke materiaal
  • WAARDEER HULLE WAARDE
  • NEEM DEEL AAN DIE VERKONDIGING VAN REDDING
  • Gebruik tydskrifte in jou bediening
    Ons Koninkryksbediening—2005
  • Tydskrifte kondig die Koninkryk aan
    Ons Koninkryksbediening—1998
  • Bied die Goeie Nuus Aan—Met tydskrifte
    Ons Koninkryksbediening—1989
  • Bied intekeninge by elke geleentheidaan
    Ons Koninkryksbediening—1995
Sien nog
Ons Koninkryksbediening—1985
km 10/85 bl. 1-7

Verkondig redding met unieke tydskrifte

1 Die Wagtoring en Ontwaak!​—watter unieke en kragtige tydskrifte het Jehovah tog tot ons beskikking gestel! Die uitstekende nommers van Oktober is van besondere belang weens die tydigheid van spesiale artikels wat die onderwerp wêreldvrede en​—veiligheid bespreek. Hulle is vir ons van verdere belang aangesien ons hierdie tydskrifte gedurende die intekeningkampanje in Oktober op groot skaal in die veld sal gebruik.

2 Die opwindende voorbladtitels sal dadelik die aandag trek en moet ons aanspoor om hierdie tydskrifte geesdriftig aan te bied. Die twee voorbladtitels van Die Wagtoring is “Vrede en veiligheid—uit hierdie bron?” en “Vrede en veiligheid—deur God se Koninkryk”. Die voorbladtitels vir Ontwaak! van 8 Oktober is “Vrede​—Het die mens die oplossing?” en van 22 Oktober “Die VV—God se middel tot vrede?” Elke tydskrif bevat ook tydige artikels oor ander onderwerpe.

WAARDEER HULLE WAARDE

3 Die waarde van ’n tydskrif kan gemeet word aan die invloed wat dit op sy lesers het. Daar word talle wêreldse tydskrifte in ’n aantal tale gedruk. Daaronder is tydskrifte wat vol pornografie en onwelvoeglikhede is. Party hemel die nuutste modes in klere en voorkoms op. Ander verheerlik sporthelde en TV- en rolprentsterre. Party bevat inligting van beperkte of twyfelagtige waarde. Talle kan ons geestelikheid direk aftakel.​—Pred. 12:12; 1 Tim. 6:20, 21.

4 Jehovah voorsien egter ’n skatkamer van waardevolle inligting in Die Wagtoring en Ontwaak!, ’n voorraad geestelike waarhede wat geredelik beskikbaar is om diegene toe te rus wat ‘in diens geneem is as soldate’ van Christus Jesus (2 Tim. 2:4, NW). Ons unieke stryd “teen die bose geeste in die lug” vereis unieke wapens.​—Ef. 6:12.

5 Die Wagtoring en Ontwaak! oortref alle wêreldse tydskrifte wat waarde betref. Wanneer ons met potensiële intekenaars gesels, kan ons die kontras beklemtoon deur te verwys na “Die doel van Die Wagtoring” of “Waarom Ontwaak! uitgegee word” op bladsy twee. Dit is die enigste tydskrifte ter wêreld wat redding verkondig! Ons wat bevoorreg is om hulle Bybelboodskap na die mense te neem, is ook enig in ons soort​—’n unieke volk. Kyk wat sê Jesaja 52:7(NW) oor verkondigers van redding.

NEEM DEEL AAN DIE VERKONDIGING VAN REDDING

6 Die lewensreddende inligting wat in Die Wagtoring gepubliseer word, is van onskatbare waarde vir alle opregte mense. ’n Ondervinding in ’n dorp in Wes-Afrika ’n paar jaar gelede lig dit op ’n besondere manier toe. Een van ons broers het ’n tydskrif in ’n gebou gelaat waar dit deur die opsigter gevind is, en hy het toe vir die dorpenaars gesê: ‘’n Engel van God het ’n boodskap na die dorp gebring.’ Hy het enkelbladsye van die tydskrif verkoop. ’n Bejaarde man het ’n bladsy gekoop, en wat hy gelees het, het sy belangstelling in die Bybelboodskap geprikkel. Hy het weldra saam met Jehovah se Getuies begin studeer.

7 Wêreldvrede en -veiligheid is ’n onderwerp wat vandag voor in die gedagtes van miljoene mense is. Die gedagteprikkelende artikels wat in elke nommer van Die Wagtoring en Ontwaak! vir Oktober gepubliseer is, sal ons help om vriendelike gesprekke aan te knoop met die doel om te getuig. Wanneer ons gedurende Oktober die intekening op hierdie unieke tydskrifte aanbied, sal die mense in ons gebied nog ’n geleentheid gebied word om die boodskap van redding te hoor en dalk te leer van die enigste ware Bron van wêreldvrede en -veiligheid.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel