Vergaderinge om ons te help dissipels maak
WEEK WAT BEGIN MET 29 MAART
10 min: Plaaslike aankondigings. Spoor almal aan om velddiensreëlings op eerste Sondag in April en openbare vakansiedag op 6 April te ondersteun. Daar is nog tyd om ’n aansoek om hulppionierdiens gedurende April in te gee. Spoor broers aan om Koninkryksnuus nr. 33, Lewe—Hoe het dit hier gekom? Deur evolusie of deur die skepping? te versprei. (Kyk kmAF 1/87 bl. 3-4.) Hersien kortliks hoe om intekeningvorms in te vul. (Kyk brief van 2/85 “Hoe om intekeninge reg te hanteer” [S-ll].)
15 min: “Bied Die Wagtoring gedurende April aan.” Vraag-en-antwoordbespreking van artikel. Spoor almal aan om positiewe gesindheid te hê wanneer intekeninge aangebied word, veral aangesien tydskrifte nou in volle kleur sal verskyn.
15 min: Nuwe ‘Onderwerp vir gesprekke’. Bespreking en demonstrasie. Hersien aanbieding en lig toe hoe artikels “God—Is hy ’n werklike persoon?” en “God se wysheid—Kan jy dit sien?” in die nommers van 1 en 15 April met die tema verbind kan word. Vra bekwame pionier of verkondiger om aanbieding te doen en dan Wagtoring-intekening aan te bied. Verwys gemeente na deel oor “God” in Redenering-boek, bladsye 160-166, vir bykomende velddiensgedagtes.
5 min: Toespraak. Spoor verkondigers aan om lys van familie en belangstellendes te maak wat hulle nog self na die Gedenkmaal gaan nooi. Kan inligting onder “Gedenkmaal” op bladsye 140-144 van die Redenering-boek. gebruik wanneer ander uitgenooi word. Kondig aan watter reëlings getref is vir die Wagtoring-studie gedurende week van Gedenkmaal.
Lied 112 en slotgebed.
WEEK WAT BEGIN MET 5 APRIL
10 min: Plaaslike aankondigings. Spoor almal aan om tydskrifdag op Saterdag, 11 April, asook spesiale reëlings vir velddiens op Sondag en openbare vakansiedag op 17 April, te ondersteun. Hersien een of twee artikels in nuutste nommer van Ontwaak! wat aangebied kan word. Stel voor dat almal volgende week hulle eksemplaar van die nuwe Index na Diensvergadering bring.
20 min: “Weeklikse deelname aan die bediening verskaf groter vreugde.” Vraag-en-antwoordbespreking van artikel. Benadruk waarde van persoonlike rooster en gebruik van kalender wat deur Genootskap voorsien is.
15 min: Diensopsiener voer onderhoude met ’n paar hulppioniers. Wat het hulle beweeg om gedurende April hulppionierdiens te doen? Hoe het hulle hul persoonlike en huislike sake gereel om 60 uur aan die bediening te wy? Hoe het ander gesinslede gehelp? Watter voordele het hulle ontvang? Benadruk vreugde wat pionierbediening verskaf. Spoor almal in gemeente aan om pioniers gedurende die maand in die veld te ondersteun. Meld dat Mei vyf volle naweke het en ’n goeie maand sal wees om hulppionierdiens te doen.
Lied 19 en slotgebed.
WEEK WAT BEGIN MET 12 APRIL
10 min: Plaaslike aankondigings en gekose Aankondigings uit Ons Koninkryksbediening. Bespreek reëlings vir velddiens op openbare vakansiedag, 20 April. Rekeningverslag. Meld Genootskap se erkenning van enige bydrae wat op maandelikse staat verskyn.
15 min: Maak goed gebruik van Wagtoring-publikasies. Toespraak. Vestig die aandag op praktiese verwysings wat voorsien word oor onderwerpe soos “Ministry” of “Medical Treatment” in Watch Tower Publications Index. Benadruk hoe nuwe Index nuttig is om antwoorde op vrae te vind, navorsing te doen, toesprake voor te berei, en so meer. Beklemtoon gedagtes op bladsye 5 en 6. As nuwe Index nie beskikbaar is nie, moet die gebruik van beskikbare indekse en/ of inhoudsopgawe en teks- en onderwerpindekse in afsonderlike publikasies verduidelik en gedemonstreer word. Spoor almal aan om Genootskap se publikasies goed te benut om antwoorde op Bybelvrae te vind. Doen persoonlike navorsing; vra ouere manne om leiding, indien nodig. Skryf aan Genootskap slegs as laaste uitweg. (Kyk kmAF 7/83 bl. 2.)
20 min: “Berei studente voor om aan die bediening deel te neem.” Vraag-en-antwoordbespreking van artikel moet deur sekretaris behartig word. Benadruk dat dit belangrik is dat verkondiger wat Bybelstudie hou, bepaal wanneer student gereed is om aan veldbediening deel te neem.
Lied 121 en slotgebed.
WEEK WAT BEGIN MET 19 APRIL
10 min: Plaaslike aankondigings. Spoor almal aan om op Saterdag, 25 April, aan tydskrifwerk deel te neem. Gaan voort om belangstellendes wat onlangs Gedenkmaal bygewoon het, te help om gemeentelike vergaderinge gereeld by te woon.
20 min: “Bied die goeie nuus aan—Op ’n doeltreffende en ordelike wyse.” Vrae en antwoorde. Wanneer paragraaf 4 bespreek word, moet kort demonstrasie gehou word waar broer vir nuwe verkondiger toon hoe om huis-tot-huisverslag te hou en verduidelik hoe belangrik dit is om gebiedskaart goed op te pas sodat dit nie wegraak of beskadig word nie.
15 min: Vind persoonlik baat by die lees van Die Wagtoring. Bekwame broer voer onderhoude met twee of drie verkondigers wat jare lank intekenaars is en wat goeie voorbeelde in gemeente is. Hoe lank lees hulle al Die Wagtoring? Hoe het hierdie publikasie hulle geestelik gehelp? Watter artikels geniet hulle veral? Hoe voel hulle daaroor om ’n intekening op Die Wagtoring aan te bied?
Lied 92 en slotgebed.
WEEK WAT BEGIN MET 26 APRIL
15 min: Plaaslike aankondigings. Spoor almal aan om intekening op eerste Sondag en dwarsdeur Mei aan te bied. Bespreek gesprekpunte in nommers van 1 en 15 Mei oor onderwerpe: “Kom alle profesieë van God?” en “Wat het God vir jou gedoen?” Bespreek inligting in Vraebus.
15 min: “Onderrigting met illustrasies.” Toespraak deur skoolopsiener gebaseer op Wagtoring, 15 Maart 1987, bladsy 8. Sluit gedagtes in Skool-Handleiding, studie 34, bladsye 168-171 in soos tyd toelaat.
15 min: Plaaslike behoeftes of bespreek hoogtepunte uit onlangse besoek van kringopsiener en benadruk een of twee punte waarop gemeente hulle kan toelê.
Lied 211 en slotgebed.