Ons identifikasie as Jehovah se Getuies

As bedienaars van die goeie nuus staan ons in die openbaar as Jehovah se Getuies bekend. Ons word deur liefde vir God en ons naaste beweeg om vrywillig aan die velddiens deel te neem. Dit word nie op aandrang van enige mens of organisasie gedoen nie, maar is volgens ons godgegewe opdrag om die “evangelie” te verkondig en dissipels te maak (Matt. 24:14; 28: 19). Dit is dus raadsaam as verkondigers hulle nie voorstel as agente of verteenwoordigers van Jehovah se Getuies van Suid-Afrika of enige ander plaaslike genootskap wat deur “die getroue en verstandige dienskneg” gebruik word om Koninkryksbelange te bevorder nie.​—Matt. 24: 45-47.

Wanneer daar ’n ongeluk of ’n noodgeval is of as probleme opduik wanneer verkondigers in woonwaparke, woonstelle of sekere ander gebiede werk, het verkondigers dalk ook die een of ander vorm van identifikasie nodig benewens hulle naam en ’n kort skriftuurlike verduideliking oor die aard van ons godsdienstige werk. As verkondigers ondervra of om getuigskrifte gevra word, kan gedoopte verkondigers die identifikasiekaart (S-65) gebruik wat deur die presiderende opsiener onderteken moet word. Dit toon dat ’n persoon die goeie nuus van die Koninkryk verkondig in samewerking met die plaaslike gemeente wat op die kaart genoem word.

’n Voorraad identifikasiekaarte (S-65), wat aan gedoopte verkondigers gegee kan word wanneer dit nodig is, kan van die Genootskap bestel word. Hierdie identifikasiekaart is nie vir algemene verspreiding nie. Indien enige verkondiger ’n persoonlike naamkaart in verband met sy velddiensbedrywigheid gebruik, moet hy nie daarop skryf dat hy ’n verteenwoordiger van Jehovah se Getuies van Suid-Afrika is nie.