Aankondigings

◼ Lektuuraanbod vir April en Mei: Intekening op Die Wagtoring teen ’n bydrae van R19,00 vir halfmaandelikse uitgawes. Jaarintekeninge op maandelikse uitgawes of halfjaarlikse intekeninge op halfmaandelikse uitgawes kos R9,50. Junie: Lewe—Hoe het dit hier gekom? Deur evolusie of deur die skepping? teen ’n bydrae van R9,00. Klein uitgawes kos R4,50. Julie: Enige drie van die boekies met 32 bladsye wat die gemeente in voorraad het teen ’n bydrae van 90 sent. As hierdie boekies nie beskikbaar is nie, kan brosjures teen ’n bydrae van 90 sent elk aangebied word.

◼ Alle korrespondensie aan die Genootskap moet deur die sekretaris nagegaan en gepos word. Maak asseblief seker dat die gemeente se volledige adres, met inbegrip van die poskode, op die voorkant, links bo, of op die agterkant van die koevert verskyn.

◼ Gemeentes moet die 1994 Yearbook of Jehovah’s Witnesses op hulle bestelvorm vir April begin bestel. Die 1994 Yearbook is in Duits, Engels, Grieks, Italiaans en Portugees beskikbaar. Jaarboeke is ’n beheerde item en sal teen R4,50 op die lektuurrekening gedebiteer word. Pioniers wat langer as ses maande op die lys is, kan ’n gratis eksemplaar ontvang waarvoor die gemeente krediet mag aanvra. Pioniers kan bykomende eksemplare teen R3,00 elk bekom.

◼ Gemeentes moet die bundels van The Watchtower en die Awake! vir 1993 begin bestel. Die bundels sal in Duits, Engels, Frans, Italiaans, Nederlands en Portugees beskikbaar wees. As julle gemeente ’n lektuurrekening by die Genootskap het, moet julle nie geld saam met julle bestelling stuur nie. Dit sal op die gemeente se lektuurrekening gedebiteer word. Totdat die bundels beskikbaar is en versend word, sal dit as “Back Ordered” op gemeentefakture verskyn. Gemeentes wie se lektuurrekening ’n nadelige saldo toon, moet geld saam met hulle bestellings stuur. Die bundels is beheerde items en sal teen R18,00 elk vir die gemeente, publiek en pioniers gedebiteer word.

◼ Die dienskomitee moet asseblief daarvan kennis neem dat alle toekomstige bestellings of veranderinge aan bestellings vir Ons Koninkryksbediening in veelvoude van vier bestel moet word. Ons sal alle huidige bestellings na die naaste veelvoud van vier verander. Hierdie verandering geld nie vir tydskrifbestellings nie, wat steeds in veelvoude van vyf bestel moet word.