Hersiening vir Teokratiese Bedieningskool
Gesloteboek-hersiening van materiaal wat gedek is in die Teokratiese Bedieningskool deur toewysings vir die weke vanaf 2 Mei tot 22 Augustus 1994. Gebruik ’n afsonderlike vel papier om die antwoorde op soveel vrae as moontlik in die toegewese tyd neer te skryf.
[Let wel: Slegs die Bybel mag tydens die skriftelike hersiening gebruik word om enige vraag te beantwoord. Die bronneverwysings na die vrae is vir jou persoonlike navorsing. Nie al die verwysings na Die Wagtoring sal ’n bladsy- en paragraafnommer hê nie.]
Dui aan of die volgende stellings Waar of Onwaaris:
1. Die woord “Seʹla”, wat 71 keer in die boek Psalms voorkom, hoef nie uitgespreek te word wanneer dit gelees word nie. [si-AF bl. 101 par.5]
2. Volgens Psalm 15:4 moet ’n Christen, wanneer hy tot die besef kom dat iets wat hy belowe het onskriftuurlik is, dit steeds doen. [Weeklikse Skrifgedeelte; sien wAF-89 9/15 bl. 28.]
3. Die boek Job bewys dat God nie die oorsaak van die mensdom se lyding, siekte en die dood is nie. [si-AF bl. 100 par. 42].
4. Jesus se lewenswandel het bewys dat Adam volmaakte onkreukbaarheid kon gehandhaaf het as hy wou en dat die fout nie by God se skeppingswerk gelê het nie. [uw-AF bl.52 par. 11]
5. Die dienskneg wat in Lukas 19:20-24 beskryf word, wat een pond ontvang het en dit in ’n doek weggesit het, was skuldig aan ’n sonde van versuim. [gt-AF hfst. 100]
6. Deur harde werk en algehele toewyding aan God kan ’n opregte Christen die reg op die ewige lewe verdien. [uw-AF bl. 36 par. 13]
7. Eerste Korinthiërs 2:9 verwys na die toekomstige aardse Paradys. [uw-AF bl.26 par.12 (3); sien wAF-85 9/15 bl. 30.]
8. Ons kan nie bekostig om ontroue gedrag as onbelangrik te beskou nie, al is dit algemeen in die wêreld. [uw-AF bl.53 par. 13]
9. Psalm 49:16 is ’n uiting van geloof in die opstandingshoop. [Weeklikse Skrifgedeelte; sien wAF-89 3/1 bl.22 par. 13.]
10. Soms kom die aansporing om wêreldlike dinge te doen van ’n ander persoon wat voorgee dat hy Jehovah dien. [uw-AF bl. 43 par. 11]
Beantwoord die volgende vrae:
11. Wat is ’n psalm? [si-AF bl. 101 par. 2]
12. Watter wonderlike versekering gee Psalm 27:10 ons? [Weeklikse Skrifgedeelte; sien wAF-92 3/15 bl. 22 par. 17.]
13. Watter verkeerde sienswyse aangaande onberouvolle sondaars openbaar Psalm 10:13 (NW)? [Weeklikse Skrifgedeelte; sien wAF-91 11/1 bl. 6.]
14. Wat is volgens Exodus 9:15,16 bereik deur die manier waarop Jehovah met Farao gehandel het?[uw-AF bl. 57 par. 6, 7]
15. Noem twee oogpunte waaruit ons die dinge wat ons in die Bybel lees tot ons nut kan ontleed. [uw-AF bl.27]
16. Wat beteken die opdrag “kus die Seun”, soos in Psalm 2:12 opgeteken is? [Weeklikse Skrifgedeelte; sien wAF-86 8/15 bl. 20.]
17. Watter soort vryheid het Jesus in Johannes 8:32 bespreek? [uw-AF bl.40 par. 6]
18. Wie word deur “die vrou” in Genesis 3:15 afgebeeld? [uw-AF bl. 30 par. 3]
19. Waarom kon Dawid in Psalm 51:6 vir Jehovah sê: “Teen U alleen het ek gesondig”, terwyl hy geweet het sy sondige dade was oortredings teen sy medemens? [Weeklikse Skrifgedeelte; sien wAF-93 3/15 bl. 11 par. 13.]
20. Wat was “die gruwel van die verwoesting” in die eerste eeu, en wat is dit vandag? (Matt. 24:15). [gt-AF hfst. 111]
Voorsien die woord of frase wat nodig is om elk van die volgende verklarings te voltooi:
21. In Job 40:15 (NW) verwys “Behemot” blykbaar na die ․․․․․․․, en in Job 41:1 (NW) is “Leviatan” ’n goeie beskrywing van die ․․․․․․․. [Weeklikse Skrifgedeelte; sien it-1 bl. 280 en it-2 bl. 240.]
22. Die stem van Jehovah self is gehoor toe Jesus ․․․․․․․ is, tydens sy ․․․․․․․ en op 10 Nisan 33G.J. toe hy in die ․․․․․․․ in Jerusalem tot sy vader gebid het. [gt-AF hfst. 104]
23. Die Fariseërs het sover gegaan om ’n ․․․․․․․ uit hulle wyn te sif omdat dit seremonieel onrein was, en tog het hulle geregtigheid, barmhartigheid en getrouheid verontagsaam wat daarmee vergelyk kan word om ’n ․․․․․․․ in te sluk, wat ook ’n seremonieel onrein dier was. [gt-AF hfst. 109]
24. Aangesien Satan ’n leuen gebruik het om ons eerste ouers te laat sondig, het Jesus hom die “․․․․․․․” genoem. [uw-AF bl. 53 par. 13 (1)]
25. Jesus is God se ․․․․․․․ Seun omdat hy die enigste een is wat regstreeks deur Jehovah geskape is. [uw-AF bl. 29 par. 1]
Kies die korrekte antwoord in elk van die volgende verklarings:
26. Job het God gesien, soos in Job 42:5 opgeteken is, in die sin dat hy (’n visioen van God in ’n windstorm gehad het; gesien het hoe ’n engel voor hom verskyn; Jehovah intiemer leer ken het). [Weeklikse Skrifgedeelte; sien w-AF 88 8/15 bl. 12 par. 11.]
27. Die vrou waarna Jesus in Mattheüs 26:13 verwys het, was (Maria, die suster van Lasarus; Maria, die vrou van Klopas; Maria Magdalena). [gt-AF hfst. 101]
28. Die fondamente wat omgegooi word, soos opgeteken in Psalm 11:3, verwys na (die tempelfondamente in Jerusalem; Jesus Christus as die Fondamenthoeksteen; die fondamente waarop die samelewing rus, soos geregtigheid, wet en orde). [Weeklikse Skrifgedeelte; sien wAF-86 8/15 bl. 20.]
29. Jesus het die apostels (Petrus en Andreas; Filippus en Bartolomeus; Jakobus en Johannes) “seuns van die donder” genoem weens hulle vurige geaardheid. [gt-AF hfst. 98]
30. Die groot geskil wat Satan geopper het toe hy God se reg om te regeer en Sy manier van regeer bevraagteken het, het in werklikheid gegaan om (menseregte; die vraag oor wie die magtigste is; God se universele soewereiniteit). [uw-AF bl. 46 par. 1]
Paar die volgende tekste af met die verklarings hieronder:
Gen. 3:1-5; Ps. 24:1; Hand. 8:32-38; Hebr. 10:26,27; 1 Pet. 4:3,4
31. As ons erken dat die mens en die aarde God se skepping is en dat alles aan Jehovah behoort, sal dit ons help om nederig en gehoorsaam te wees. [uw-AF bl. 39 par. 4]
32. Ons moet baie versigtig wees om nie in die gewoonte te verval om enigiets te doen wat ons weet Jehovah mishaag nie. [uw-AF bl. 33 par. 8 (3) en 8 (4)]
33. Juiste kennis van die Bybel en waardering vir die boodskap wat dit bevat, beweeg skaapgeaarde mense om gedoop te word. [uw-AF bl. 32 par. 7]
34. Hoewel jy dalk saam met ongelowiges werk of skoolgaan, toon jy dat jy hulle nie as jou metgeselle kies nie deur alle onnodige omgang met hulle te vermy. [uw-AF bl. 44 par. 13]
35. Dit is noodsaaklik dat ons wêreldse denke vermy wat mense beïnvloed om te glo dat iets goeds van hulle weerhou word as hulle nie hulle eie lewenstandaard kan stel nie. [uw-AF bl. 46 par.1]