Teokratiese nuus

Suid-Afrika: Ons is bly om te berig dat daar van Februarie tot Mei nege Koninkryksale toegewy is, naamlik: Bush Hill (Johannesburg), Khutsong (Carletonville), Klipgat (Pretoria), Mofolo-Wes (Soweto), Moorreesburg (Wes-Kaap), Noordhoek (Kaapstad), Rhini (Grahamstad), Suurbekom (Westonaria) en Waterfall (Pinetown).

Die verslae aangaande al hierdie pas toegewyde sale toon dat daar ’n baie hoë boustandaard regoor die land gehandhaaf word. Mag ons weer eens ons waardering uitspreek teenoor almal wat by die bou van Koninkryksale betrokke is. Gaan asseblief voort om ‘met julle hele siel te werk soos vir Jehovah’.—Kol. 3:23.