Aankondigings

◼ Lektuuraanbod vir Oktober: Individuele eksemplare van Die Wagtoring en Ontwaak! Waar belangstelling gevind word, kan intekeninge aangebied word. (Dit is ’n verandering van die aanbod wat in Ons Koninkryksbediening vir September verskyn het.) Vanaf 12 Oktober sal Koninkryksnuus Nr. 35 versprei word. November: Die verspreiding van Koninkryksnuus Nr. 35 sal voortgesit word. Gemeentes wat hulle gebied gedek het deur ’n eksemplaar van Koninkryksnuus Nr. 35 by huisbewoners in elke huis of woning te laat, kan die Kennis-boek aanbied teen ’n bydrae van R4,00. Desember: Die Nuwe Wêreld-vertaling van die Christelike Griekse Geskrifte saam met die boek Die Bybel—God se woord of die mens s’n? teen ’n bydrae van R8,00. Januarie: Die grootste mens wat nog geleef het teen ’n bydrae van R12,00 of Die mensdom se soeke na God teen ’n bydrae van R6,00.

◼ Die “Rooster vir die Teokratiese Bedieningskool vir 1998” is ingesluit in hierdie nommer van Ons Koninkryksbediening en moet gehou word sodat daar gedurende 1998 deurgaans daarna verwys kan word.

◼ Aangesien November vyf volle naweke het, is dit dalk vir baie ’n geleë tyd om aan die hulppionierdiens deel te neem.

◼ Die vergaderingtye vir baie gemeentes sal vanaf 1 Januarie verander. Daarom sal dit dalk nodig wees om ’n nuwe voorraad strooibiljette te bestel om die veranderde vergaderingtye aan te dui.

◼ Stel asseblief julle presiderende opsiener in kennis van enige noemenswaardige plaaslike nuusberigte, goed of sleg, wat mense se beskouing oor Jehovah se Getuies kan beïnvloed. Hy moet dit na die Genootskap toe stuur.

◼ Gemeentes kan nou die 1998-jaarteks bestel, wat teen R14,00 elk in Afrikaans, Engels, Suid-Sotho, Xhosa en Zulu beskikbaar is. Die koste sal teen die lektuurrekening gedebiteer word. Gemeentes wat ’n nadelige saldo op hulle lektuurrekening het, moet kontant saam met hulle bestelling stuur. Ons stel voor dat alle gemeentes die nuwe jaarteks teen 1 Januarie 1998 vertoon.

◼ Gemeentes moet Ondersoek die Skrif elke dag—1998 van 1 Oktober af saam met hulle gereelde lektuurbestelling begin bestel. Die boekies sal beskikbaar wees in Afrikaans, Chichewa, Duits, Engels, Frans, Grieks, Italiaans, Kwanyama, Portugees, Sepedi, Suid-Sotho, Tsonga, Tswana, Venda, Xhosa en Zulu. Totdat hierdie boekies beskikbaar is en versend word, sal hulle as “Back Ordered” op gemeentelike fakture verskyn. Die Ondersoek die Skrif-boekie is ’n beheerde item en sal teen die lektuurrekening gedebiteer word teen R2,00 elk, wat die prys vir verkondigers en pioniers is. Gewone en spesiale pioniers wat voor 1 Julie 1997 op die lys was, kan een gratis eksemplaar ontvang. Gemeentes wat nie ’n rekening by die Genootskap het nie of ’n nadelige saldo op hulle lektuurrekening het, moet kontant saam met hulle bestelling stuur. ’n Afsonderlike inskrywing moet op die Remittance and Credit Request-vorm (S-AB-20) gemaak word om die gratis eksemplare vir pioniers aan te dui. Dit moet deur die gemeente bestel word. ONS MOEDIG ELKE GESINSLID AAN, MET INBEGRIP VAN KINDERS WAT KAN LEES, OM HULLE EIE EKSEMPLAAR VAN HIERDIE BOEKIE TE HÊ.

◼ LET WEL: Die traktaat Koninkryksnuus Nr. 35 moet NIE as verspreide lektuur op die Velddiensrapport (S-4) of die Gemeenterapport (S-1) aangedui word nie.

◼ Nuwe publikasies beskikbaar:

Watch Tower Publications Index 1996 (gemeente, publiek en pioniers: R2,00) —Engels