Aankondigings

◼ Lektuuraanbod vir April en Mei: Jaarintekening per pos op Die Wagtoring teen ’n bydrae van R48,00 vir halfmaandelikse uitgawes. ’n Jaarintekening op maandelikse uitgawes of ’n halfjaarintekening op halfmaandelikse uitgawes kos R24,00. Klubintekeninge kos R24,00 en R12,00 onderskeidelik. Waar die intekening van die hand gewys word, kan die Nuwe Wêreld-vertaling van die Christelike Griekse Geskrifte saam met twee tydskrifte teen ’n bydrae van R6,00 aangebied word. Junie: Die grootste mens wat nog geleef het teen ’n bydrae van R15,00 of Die mensdom se soeke na God teen ’n bydrae van R7,50. Julie en Augustus: Enige van die volgende brosjures met 32 bladsye kan teen ’n bydrae van R1,20 elk aangebied word: Die regering wat die Paradys gaan bring, Gee God werklik vir ons om?, Jy kan vir ewig op die aarde lewe!, Moet jy aan die Drie-eenheid glo?, Wanneer ’n geliefde sterf en Wat is die doel van die lewe​—Hoe kan jy dit vind? Die brosjures Geeste van die dooies—Kan hulle jou help of jou skaad? Bestaan hulle werklik?, ’n Boek vir alle mense, Our Problems—Who Will Help Us Solve Them? en Will There Ever Be a World Without War? kan aangebied word waar dit gepas is.

◼ Aangesien Mei vyf volle naweke het, is dit vir baie ’n gerieflike tyd om hulppionierdiens te doen.

◼ Bethel het dringend ’n gekwalifiseerde tandarts en ’n gekwalifiseerde verpleegster nodig wat voltyds daar kan dien. As jy verkieslik tussen 19 en 35 jaar oud is, goeie gesondheid geniet, ongetroud is, of indien getroud sonder enige afhanklikes is, kan jy jou vir die voorreg van Betheldiens beskikbaar stel? Skryf dan asseblief aan die Genootskap of skakel hulle vir verdere inligting.

◼ Gemeentes moet die bundels van Die Wagtoring en Ontwaak! vir 1997 begin bestel. Die bundels sal in Engels, Duits en Portugees beskikbaar wees. As julle gemeente ’n lektuurrekening by die Genootskap het, moet julle nie geld saam met julle bestellings stuur nie. Julle gemeente se lektuurrekening sal daarmee gedebiteer word. Totdat die bundels beskikbaar is en versend word, sal dit op die gemeente se fakture as “Back Ordered” verskyn. Gemeentes wie se lektuurrekening ’n nadelige saldo toon, moet geld saam met hulle bestellings stuur. Die bundels is beheerde items en sal teen R30,00 elk vir die gemeente, publiek en pioniers gedebiteer word.

◼ Die ontoegekendegebied-kampanje sal vir die maande Augustus tot Oktober 1998 wees. Verkondigers en pioniers word aangespoor om hierdie reëling te ondersteun en sodoende te verseker dat baie mense in die ontoegekende gebied ’n deeglike getuienis ontvang.

◼ Die Genootskap maak nie lektuurbestellings op vir individuele verkondigers nie. Die presiderende opsiener moet reël dat daar elke maand ’n aankondiging gedoen word voor die gemeente se maandelikse lektuurbestelling aan die Genootskap gestuur word sodat almal wat daarin belangstel om persoonlike lektuuritems te bekom die broer wat die lektuur behartig in kennis kan stel. Hou asseblief in gedagte watter publikasies beheerde items is.

◼ Nuwe laserplaat beskikbaar:

Kingdom Melodies, Deel 7 (Orkesmusiek; gemeente, publiek en pioniers: R17,00)