Vraebus

◼ Wat kan ons doen om die doeltreffendheid van ons vergaderinge te help verbeter?

Party meen dalk dat die ouer manne en bedieningsknegte uitsluitlik verantwoordelik is vir die sukses van die gemeentelike vergaderinge omdat húlle dit hou en die meeste van die dele behartig. Maar in werklikheid kan ons almal persoonlik tot interessante en opbouende vergaderinge bydra. Ons kan op die volgende tien maniere help om die vergaderinge doeltreffender te maak:

Berei voor. Wanneer ons goed voorberei, boei die vergaderinge ons aandag. Wanneer ons almal dit doen, is die vergaderinge lewendiger en opbouender. Woon vergaderinge gereeld by. ’n Hoë bywoningsyfer is bemoedigender vir almal wat teenwoordig is, en dit vergroot ons waardering vir die belangrikheid van vergaderingbywoning. Kom betyds. As ons in ons sitplek is voor die vergadering begin, kan ons aan die openingslied en -gebed deelneem en sodoende ten volle by die vergadering baat vind. Kom goed toegerus. As ons ons Bybel en die publikasie(s) saambring wat gedurende die vergadering gebruik gaan word, kan ons in die publikasie(s) volg en die bespreking beter verstaan. Vermy dinge wat die aandag aftrek. As ons voor in die saal sit, sal ons dalk beter kan luister. ’n Gefluister en ’n heen en weer lopery na die toilet kan veroorsaak dat ons en ander se konsentrasie verbreek word. Wees ’n deelnemer. Wanneer meer van ons ons hand opsteek en kommentaar lewer, word meer bemoedig en opgebou omdat ons uiting gee aan ons geloof. Lewer kort kommentare. Dit gee soveel moontlik die geleentheid om ’n deelname te hê. Ons moet kort kommentare gee wat nie afwyk van die materiaal wat bestudeer word nie. Voer toewysings uit. As studente in die Teokratiese Bedieningskool of as deelnemers aan die Diensvergadering moet ons goed voorberei, dele voor die tyd oefen en altyd ons toewysing probeer uitvoer. Prys deelnemers. Vertel ander hoeveel hulle pogings waardeer word. Dit bou hulle op en spoor hulle aan om in die toekoms selfs beter te vaar. Moedig mekaar aan. ’n Vriendelike groet en opbouende gesprekke voor en na afloop van die vergaderinge dra by tot die genot en die voordele wat vergaderingbywoning vir ons meebring.