Aankondigings
◼ Lektuuraanbod vir Augustus: Enige van die volgende brosjures met 32 bladsye kan teen ’n bydrae van R1,20 elk aangebied word: Die regering wat die Paradys gaan bring, Gee God werklik vir ons om?, Jy kan vir ewig op die aarde lewe!, Moet jy aan die Drie-eenheid glo?, Wanneer ’n geliefde sterf en Wat is die doel van die lewe?—Hoe kan jy dit vind? Die brosjures Geeste van die dooies—Kan hulle jou help of jou skaad? Bestaan hulle werklik?, ’n Boek vir alle mense, Our Problems—Who Will Help Us Solve Them? en Will There Ever Be a World Without War? kan aangebied word waar dit gepas is. September: Kennis wat tot die ewige lewe lei teen ’n bydrae van R5,00 vir die harde band en R3,75 vir die sagte band. Oktober: Individuele eksemplare van Die Wagtoring en Ontwaak! November: Kennis wat tot die ewige lewe lei teen ’n bydrae van R5,00 vir die harde band en R3,75 vir die sagte band.
◼ Elke gemeente sal drie Literature Inventory-vorms (S-AB-18) ontvang. Die gemeentelike sekretaris en die lektuurkneg moet vroeg in Augustus besluit op ’n datum aan die einde van die maand waarop hulle ’n inventaris van die gemeente se lektuurvoorraad kan opstel. Al die lektuur in voorraad moet getel word, en die totale moet op die Literature Inventory-vorm ingevul word. Die aantal tydskrifte in voorraad kan by die tydskrifkneg gekry word. Voltooi die vorms asseblief teen 1 September en pos die oorspronklike vorm so gou moontlik aan die Genootskap nadat julle julle staat vir Augustus ontvang het. Hou ’n deurslagkopie vir julle lêers. Die derde vorm kan as ’n werkstaat gebruik word. Die inventaris moet deur die sekretaris gekontroleer word, en die ingevulde vorm moet deur die presiderende opsiener nagegaan word. Die sekretaris en die presiderende opsiener moet die vorm teken.
◼ Lapelkaarte vir die 1998-streekbyeenkoms moet bestel word, en die gemeente se lektuurrekening sal met tien sent per kaartjie gedebiteer word. Gemeentes wat nie ’n rekening by die Genootskap het nie of wie se lektuurrekening ’n nadelige saldo het, moet geld saam met hulle bestelling stuur. Bestel asseblief in veelvoude van 20, waar moontlik. Lapelkaarte is beskikbaar in Afrikaans, Engels, Portugees, Sepedi, Suid-Sotho, Tswana, Xhosa en Zulu. Plaas asseblief julle bestelling op die Literature Order-vorm (S-AB-14). Hierdie bestellings moet die Genootskap voor 1 November 1998 bereik. Daarna sal ons nie bestellings vir lapelkaarte opmaak nie.
◼ Van 28 Augustus tot 31 Augustus 1998 sal die Genootskap ’n inventaris opstel van alle lektuur wat by Bethel in voorraad is. Gevolglik sal daar op hierdie dae geen gemeentelike lektuurbestellings opgemaak word om versend of afgehaal te word nie.
◼ Die Gemeentelike Dienskomitee moet onmiddellik aandag skenk aan alle aansoeke vir gewone pionierdiens. Die dienskomitee moet nie ’n aansoek terughou om te sien of die een wat aansoek doen die uurvereiste kan nakom nie. Die pionier se aanstellingsdatum kan outomaties verander word as die aansoekvorm ná die datum daarop ontvang word. Aanstellings is nie terugwerkend nie tensy daar omstandighede is wat dit werklik noodsaak. Indien daar sulke omstandighede is, moet ’n brief die aansoekvorm vergesel.—Sien die byvoegsel tot Ons Koninkryksbediening vir Augustus 1986, paragrawe 24-6.
◼ ’n Reeks brosjures sal in die Gemeentelike Boekstudie bestudeer word wanneer die boek Die Bybel—God se woord of die mens s’n? voltooi is. ’n Aankondiging in Ons Koninkryksbediening vir Mei 1998 het gesê dat ons van die week van 21 September af die Vereis-brosjure sal bestudeer. Dit sal gevolg word deur Wat is die doel van die lewe?—Hoe kan jy dit vind? en Gee God werklik vir ons om?
◼ Nuwe publikasies beskikbaar:
Nuwe Wêreld-vertaling van die Heilige Geskrifte (Gewone; gemeente en publiek: R20,00; pioniers: R15,00)—Grieks, Pools