Aankondigings
◼ Lektuuraanbod vir Desember: Kennis wat tot die ewige lewe lei saam met die Nuwe Wêreld-vertaling van die Christelike Griekse Geskrifte teen ’n bydrae van R9,00 wanneer die hardebandboek en R7,75 wanneer die sagtebandboek aangebied word. Januarie: Die Nuwe Wêreld-vertaling van die Christelike Griekse Geskrifte saam met die boek Die grootste mens wat nog geleef het teen ’n bydrae van R19,00, of saam met Die mensdom se soeke na God teen ’n bydrae van R11,50. Februarie: Die geheim van gesinsgeluk teen ’n bydrae van R5,00 vir die hardebandboek en R3,75 vir die sagtebandboek, of enige ouer boek met 192 bladsye wat julle in voorraad het teen ’n bydrae van R1,00. Maart: Kennis wat tot die ewige lewe lei teen ’n bydrae van R5,00 vir die hardebandboek en R3,75 vir die sagtebandboek, of enige ouer boek met 192 bladsye wat julle in voorraad het teen ’n bydrae van R1,00. ’n Spesiale poging sal aangewend word om tuisbybelstudies met die Kennis-boek te begin.
◼ Die presiderende opsiener of iemand wat deur hom aangestel is, moet die gemeenterekeninge op 1 Desember of so gou moontlik daarna ouditeer. Kondig dit in die gemeente aan sodra dit gedoen is en wanneer die volgende rekeningverslag gelees word.
◼ Die Gedenkmaal vir die jaar 2000 sal op Woensdag, 19 April, ná sononder gehou word. Hierdie kennisgewing word vroegtydig gegee sodat broers die nodige besprekings kan doen of kontrakte vir beskikbare sale kan aangaan waar ’n paar gemeentes een Koninkryksaal gebruik en hulle ander fasiliteite moet kry. Die ouer manne moet ’n ooreenkoms met die bestuur hê wat verseker dat geen ander bedrywighede in die gebou steurings sal veroorsaak nie sodat die Gedenkmaalviering op ’n vreedsame en ordelike manier kan geskied. Omdat dit so ’n belangrike geleentheid is, moet die liggaam van ouer manne, wanneer hulle ’n Gedenkmaalspreker toewys, een van die meer bekwame ouer manne kies en nie net beurte maak of dieselfde broer elke jaar gebruik nie. ’n Uitsondering sal gemaak word as daar ’n bekwame gesalfde ouer man is wat die toespraak kan hou.
◼ Aangesien Januarie vyf volle naweke het, sal dit vir baie ’n goeie tyd wees om aan die hulppionierdiens deel te neem.