Teokratiese nuus

◼ Suid-Afrika: Die “God se profetiese woord”-streekbyeenkomste was ’n baie groot sukses. Die bywoning vir Suid-Afrika en sy naburige lande was altesaam 140 835, en 2 443 is gedoop. Ons wil ons waardering uitspreek vir die harde werk van al die Byeenkomskomitees en diegene wat gehelp het om die streekbyeenkomste ’n sukses te maak.

Aan die begin van die 2000-diensjaar was baie gemeentes druk besig om in hulle ontoegekende gebied te werk. Ons is bly om te rapporteer dat 5 580 verkondigers altesaam 45 545 boeke, brosjures en tydskrifte by belangstellendes gelaat het en 48 210 uur aan hierdie uiters lonende werk bestee het. Tien Engelssprekende gemeentes het aangebied om saam met plattelandse, anderstalige gemeentes te werk. Dit was duidelik dat al die broers wat hierdie reëling ondersteun het, baie daarby baat gevind het. Een gemeente het gerapporteer dat “dit ’n goeie uitwerking op die gemeenskap gehad het, aangesien hulle kon sien hoe broers en susters, oud en jonk, swart en wit, saamwerk”. Ons hoop dat baie broers en susters hulle weer eens vir vanjaar se kampanje beskikbaar sal stel.