Aankondigings
◼ Lektuuraanbod vir Augustus: Enige van die volgende brosjures met 32 bladsye kan gebruik word: Die Goddelike naam wat vir ewig sal bestaan, Die regering wat die Paradys gaan bring, Gee God werklik vir ons om?, Jy kan vir ewig op die aarde lewe!, Moet jy aan die Drie-eenheid glo?, Wanneer ’n geliefde sterf, Wat gebeur met ons wanneer ons sterf? en Wat is die doel van die lewe?—Hoe kan jy dit vind? Die brosjures Geeste van die dooies—Kan hulle jou help of jou skaad? Bestaan hulle werklik?, ’n Boek vir alle mense, Our Problems—Who Will Help Us Solve Them? en Will There Ever Be a World Without War? kan aangebied word waar dit gepas is. September: Lewe—Hoe het dit hier gekom? Deur evolusie of deur die skepping? Oktober: Individuele eksemplare van Die Wagtoring en Ontwaak! Waar belangstelling tydens herbesoeke gevind word, kan intekeninge aangebied word. Later in die maand sal Koninkryksnuus Nr. 36, “Die nuwe millennium—Wat hou die toekoms vir jou in?”, versprei word. November: Die verspreiding van Koninkryksnuus Nr. 36 sal voortgesit word. Gemeentes wat hulle gebied gedek het deur ’n eksemplaar van Koninkryksnuus Nr. 36 by huisbewoners in elke huis of woning te laat, kan die Vereis-brosjure of die Kennis-boek aanbied. As mense dit reeds het, kan die Skepping-boek gebruik word.
◼ Die presiderende opsiener of iemand wat deur hom aangestel is, moet die gemeente se rekeninge op 1 September of so gou moontlik daarna ouditeer. Wanneer dit gedoen is, moet julle dit in die gemeente aankondig ná die volgende rekeningeverslag gelees is.
◼ Vanaf Augustus sal die lapelkaarte vir die 2000-streekbyeenkoms beskikbaar wees in Engels, Portugees, Suid-Sotho, Xhosa en Zulu. Gemeentes moet dit met hulle volgende lektuuraanvraag begin bestel. Vra dit asseblief in veelvoude van 20 aan. Laat aanvrae sal nie aanvaar word nie, bestel dus vroegtydig.
◼ Die jaarlikse inventaris van alle lektuur en tydskrifte in voorraad moet op of so na as moontlik aan 31 Augustus 2000 opgestel word. Hierdie inventaris kom ooreen met die maandelikse opname deur die lektuurkneg, en die totale moet op die Literature Inventory-vorm (S-18) ingevul word. Die totale aantal tydskrifte in voorraad kan by die tydskrifknegte in elke gemeente in die lektuurgroep gekry word. Elke koördinerende gemeente sal drie Literature Inventory-vorms (S-18) ontvang. Pos die oorspronklike vorm asseblief teen 6 September aan die Genootskap. Hou ’n deurslagkopie vir julle lêers. Die derde vorm kan as ’n werkblad gebruik word. Die inventaris moet deur die sekretaris van die koördinerende gemeente gekontroleer word. Die sekretaris en die presiderende opsiener van die koördinerende gemeente moet die vorm teken.
◼ Van 31 Augustus 2000 tot 6 September 2000 sal die Genootskap ’n inventaris opstel van alle lektuur wat by Bethel in voorraad is. Gevolglik sal daar op hierdie dae geen gemeentelike lektuuraanvrae behartig word om versend of afgehaal te word nie.
◼ LET WEL: Die volgende streekbyeenkomsdatums het verander:
17-19 November: St. Helena
15-17 Desember: Walvisbaai