Hersiening vir die Teokratiese Bedieningskool
Gesloteboek-hersiening van materiaal wat gedek is in die Teokratiese Bedieningskool deur toewysings vir die weke vanaf 1 Mei tot 21 Augustus 2000. Gebruik ’n afsonderlike vel papier om die antwoorde op soveel vrae as moontlik in die toegewese tyd neer te skryf.
[Let wel: Slegs die Bybel mag tydens die skriftelike hersiening gebruik word om enige vraag te beantwoord. Die bronneverwysings ná die vrae is vir jou persoonlike navorsing. Nie al die verwysings na Die Wagtoring het noodwendig ’n bladsy- en paragraafnommer nie.]
Dui aan of die volgende stellings Waar of Onwaar is:
1. Gideon se reaksie op die ongegronde twissoekery deur die manskappe van Efraim het sy sagmoedigheid en nederigheid weerspieël en het die aandag van hulle onbillike kritiek afgelei en die vrede bewaar (Rigt. 8:1-3). [Weeklikse Skrifgedeelte]
2. Hoewel Manoag gesê het “ons [het] God gesien”, het hy en sy vrou in werklikheid die gematerialiseerde persoonlike woordvoerder van God gesien en nie Jehovah self nie (Rigt. 13:22). [Weeklikse Skrifgedeelte; sien w88-AF 5/15 bl. 23 par. 4.]
3. In Rigters 5:31 is die uitdrukking “die wat Hom liefhet” ’n profetiese verwysing na die 144 000 Koninkrykserfgename. [si-AF bl. 50 par. 28]
4. Geen fragmente van die boek Rut is in die Dooie See-rolle gevind nie. [si-AF bl. 51 par. 3]
5. Rigters 21:25 verwys na ’n tydperk toe Jehovah die nasie Israel sonder hoegenaamd enige leiding gelaat het. [Weeklikse Skrifgedeelte; sien w95-AF 6/15 bl. 22 par. 16.]
6. Die beelde van die gerubs op die verbondsark het die koninklike teenwoordigheid van Jehovah aangedui, wat as ’t ware ‘op [of “tussen”] die gerubs getroon het’ (1 Sam. 4:4, voetnoot in NW). [Weeklikse Skrifgedeelte; sien w81-AF 1/15 bl. 28 par. 2 (w80 11/1 bl. 29 par. 2).]
7. Die feit dat Saul se soldate in ’n desperate situasie bloed geëet het en nie gestraf is nie, toon dat daar verskoonbare redes kan wees vir die tydelike verontagsaming van Goddelike wette om ’n mens se lewe te red (1 Sam. 14:24-35). [Weeklikse Skrifgedeelte; sien w94-AF 4/15 bl. 31 par. 7-9.]
8. Hoewel sommige die woord oorreding met manipulasie en listigheid assosieer, kan dit in ’n positiewe sin gebruik word, naamlik om te oortuig en om ’n verandering van gedagte teweeg te bring deur gegronde, logiese redenasie (2 Tim. 3:14, 15). [w98-AF 5/15 bl. 21 par. 4]
9. “Die sak van die lewe” verwys na ’n Goddelike voorsiening van beskerming en verlossing, waarby Dawid baat kon vind as hy in God se oë bloedskuld sou vermy (1 Sam. 25:29, NW). [Weeklikse Skrifgedeelte; sien w91-AF 6/15 bl. 14 par. 3.]
10. Die Dawidiese Koninkryksverbond, waarna 2 Samuel 7:16 verwys, het die geslagslyn van die Saad wat tot die Messias sou lei, beperk en was ’n wetlike waarborg dat iemand in Dawid se geslagslyn “tot in ewigheid” sou regeer. [Weeklikse Skrifgedeelte; sien w89-AF 2/1 bl. 14 par. 21-2.]
Beantwoord die volgende vrae:
11. Watter versekering bied Psalm 34:19? [w98-AF 4/1 bl. 31 par. 2]
12. Waarop dui die feit dat Josef die bynaam Barnabas gegee is? (Hand. 4:36). [w98-AF 4/15 bl. 20 par. 3, voetnoot.]
13. Waarom sê die Bybelverslag dat Eli sy seuns meer geëer het as vir Jehovah? (1 Sam. 2:12, 22-24, 29). [Weeklikse Skrifgedeelte; sien w96-AF 9/15 bl. 13 par. 14.]
14. Waarom behoort die boek Rut ons vertroue in die Koninkryksbeloftes te versterk? [si-AF bl. 53 par. 10]
15. Watter uitstaande voorbeeld het Samuel se gesin, volgens 1 Samuel 1:1-7, gestel? [Weeklikse Skrifgedeelte; sien w98-AF 3/1 bl. 16 par. 12.]
16. In watter sin kan daar gesê word dat ‘die krag van rykdom bedrieglik is’? (Matt. 13:22). [w98-AF 5/15 bl. 5 par. 1]
17. Hoe het die ouer Jonatan erkenning aan Jehovah se gesalfde, Dawid, gegee, en waarvan is dit vandag ’n afbeelding? (1 Sam. 18:1, 3, 4). [Weeklikse Skrifgedeelte; sien w89-AF 1/1 bl. 24, 26 par. 4, 13.]
18. Hoe toon die boek Job dat Job nie volmaak was nie, hoewel hy “onberispelik en regskape” was? (Job 1:8, NW) [w98-AF 5/1 bl. 30 par. 7]
19. Wat impliseer die uitdrukking “span julle kragtig in”? (Luk. 13:24). [w98-AF 6/15 bl. 31 par. 1, 4]
20. Watter waardevolle les kan ons ter harte neem wanneer ons saam met ander werk, soos in 2 Samuel 12:26-28 opgeteken is? [Weeklikse Skrifgedeelte; sien w93-AF 12/1 bl. 19 par. 19.]
Voorsien die woord(e) of frase wat nodig is om elk van die volgende verklarings te voltooi:
21. Jehovah se sterk veroordeling van Baäl-aanbidding moet ons beweeg om weg te bly van die hedendaagse ekwivalente daarvan, naamlik ․․․․․․․․, ․․․․․․․․ en ․․․․․․․․ (Rigt. 2:11-18). [si-AF bl. 50 par. 26]
22. Dit was in Samuel se dag dat die tydperk van die ․․․․․․․․ ten einde geloop het en die tydperk van ․․․․․․․․ begin het waarin Israel uiteindelik Jehovah se guns verloor het. [si-AF bl. 53 par. 1]
23. Die Goddelike naam, Jehovah, beteken “․․․․․․․․” en impliseer dat Jehovah enige rol kan vervul wat nodig is om sy ․․․․․․․․ uit te voer. [w98-AF 5/1 bl. 5 par. 3]
24. Eli en Saul het albei gefaal omdat eersgenoemde ․․․․․․․․ het om op te tree en laasgenoemde ․․․․․․․․ opgetree het. [si-AF bl. 57 par. 27]
25. Jesus se gelykenis van die barmhartige Samaritaan toon dat ’n mens wat waarlik opreg is nie alleen God se ․․․․․․․․ gehoorsaam nie, maar ook sy ․․․․․․․․ navolg (Luk. 10:29-37). [w98-AF 7/1 bl. 31 par. 2]
Kies die korrekte antwoord in elk van die volgende verklarings:
26. Die ruimheid van Jehovah se (wysheid; krag; liefde) word daarin gesien dat hy die Moabitiese vrou (Rut; Naomi; Orpa), ’n voormalige aanbidder van (Baäl; Kamos; Dagon) wat haar tot die ware godsdiens bekeer het, gekies het om ’n voorouer van Jesus Christus te word (Matt. 1:3, 5, 16). [si-AF bl. 51 par. 1]
27. Die era waarin Israel deur rigters regeer is, het geëindig toe (Samuel; Dawid; Saul) as koning gesalf is en die (Ammoniete; Moabiete; Filistyne) kort daarna met Jehovah se steun oorwin is (1 Sam. 11:6, 11). [Weeklikse Skrifgedeelte; sien w95-AF 12/15 bl. 9 par. 2–bl. 10 par. 1.]
28. Dit was (die apostel Paulus; sy vader; sy moeder en ouma) wat die leiding geneem het om Timoteus te onderrig in “die heilige geskrifte” sodat hy uiteindelik ’n uitstekende sendeling en opsiener geword het (2 Tim. 3:14, 15; Fil. 2:19-22). [w98-AF 5/15 bl. 8 par. 3–bl. 9 par. 5]
29. (Dawid; Samuel; Jonatan) se bediening in sy jeug moet jongmense aanspoor om vandag die bediening op te neem, en sy volgehoue diens sonder aftrede tot aan die einde van sy lewe moet vermoeide bejaardes onderskraag. [si-AF bl. 58 par. 30]
30. Die tydperk wat deur 2 Samuel gedek word, strek van (1077 tot ongeveer 1040; 1077 tot ongeveer 1037; 1070 tot ongeveer 1040) v.G.J. [si-AF bl. 59 par. 3]
Paar die volgende tekste af met die verklarings hieronder:
Rigt. 11:30, 31; 1 Sam. 15:22; 30:24, 25; 2 Kon. 6:15-17; Jak. 5:11
31. Jehovah bied die versekering dat hy sy hemelse leërs sal gebruik om sy knegte volgens sy wil te beskerm. [w98-AF 4/15 bl. 29 par. 5]
32. Gemeentelike opsieners het die verantwoordelikheid om by hulle ooreenkomste te bly, al is dit soms pynlik en ’n groot opoffering. [w99-AF 9/15 bl. 10 par. 3-4]
33. As ons ondanks beproewing onkreukbaarheid handhaaf, sal dit tot ’n groot beloning van Jehovah God lei. [w98-AF 5/1 bl. 31 par. 3]
34. Ware liefde vir God vereis gehoorsaamheid aan Goddelike riglyne en nie net dat ons offerandes aan hom offer nie. [Weeklikse Skrifgedeelte; sien w96-AF 6/15 bl. 5 par. 1.]
35. Jehovah toon diepe waardering vir diegene wat in ondersteunende rolle in sy organisasie dien. [Weeklikse Skrifgedeelte; sien w86-AF 9/1 bl. 28 par. 4.]