Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • km 7/03 bl. 3
  • Nuwe kringbyeenkomsprogram

Video nie beskikbaar nie.

Jammer, die video kon nie laai nie.

  • Nuwe kringbyeenkomsprogram
  • Ons Koninkryksbediening—2003
  • Soortgelyke materiaal
  • Hardloop die wedloop met volharding
    Die Wagtoring kondig Jehovah se Koninkryk aan—1991
  • Volharding—noodsaaklik vir Christene
    Die Wagtoring kondig Jehovah se Koninkryk aan—1993
  • “Laat die volharding sy werk voltooi”
    Die Wagtoring kondig Jehovah se Koninkryk aan (Studie-uitgawe)—2016
  • Nuwe Kringbyeenkomsprogram
    Ons Koninkryksbediening—1995
Sien nog
Ons Koninkryksbediening—2003
km 7/03 bl. 3

Nuwe kringbyeenkomsprogram

1 Ons Heer het voorspel dat sy dissipels verdrukking sou hê (Matt. 24:9). Hoe moet ons beproewinge beskou? Wat sal ons in staat stel om verdrukking te verduur? Die kringbyeenkomsprogram vir die 2004-diensjaar sal hierdie vrae beantwoord. Die tema is: “Verbly julle in die hoop. Volhard onder verdrukking.”—Rom. 12:12.

2 Twee simposiums: Die eerste simposium, met die tema “Dra vrug met volharding”, sal maniere bespreek waarop ons vrug kan dra. Onderhoude sal met verskeie verkondigers gevoer word oor hoe hulle met ’n gevoel van dringendheid getuig en onderrig. Ouers sal veral aandag wil skenk aan die deel “Wanneer Jehovah ons dissiplineer”, wat sal toon hoe ouers met hulle kinders kan redeneer. Die laaste spreker van die simposium sal die aandag vestig op wat ons moet doen om te voorkom dat die wêreld ons beïnvloed en ons onvrugbaar laat word.—Mark. 4:19.

3 “Hardloop die wedloop met volharding” is die tema van die tweede simposium. Dit sal verduidelik hoe ons lewe soos ’n wedloop is. Waarom moet ons volgens die reëls meeding? Hoe kan ons met welslae elke gewig aflê en nie moeg word in die wedloop om die lewe nie? Die tydige skriftuurlike raad sal ons almal help om aan te hou om die wedloop met volharding te hardloop.

4 Volharding bring God se goedkeuring mee: Die toesprake van die reisende opsieners sal geloofversterkend wees vir dié wat luister en die raad toepas. Een van die toesprake wat die streekopsiener sal hou, het die tema “Volharding lei tot ’n goedgekeurde toestand”. Die openbare toespraak sal hierdie vrae beantwoord: Op wie se naam moet die nasies hoop, en wat behels dit? Die slottoespraak, “Deur volharding sal julle julle siel verwerf”, sal bespreek hoe Jesus ongeregtigheid kon verduur sonder om verbitterd te raak.

5 Onthou om julle Bedieningskool-boek en Die Wagtoring vir die week saam te bring. Neem aantekeninge om julle te help konsentreer en ook sodat julle later weer daarna kan verwys. ’n Hersiening van die program sal later in die gemeente gehou word.

6 Jehovah self het hierdie geestelike feesmaal voorberei. Kom! Eet! Ons sal met vreugde uitroep as ons daar is om by die hele program baat te vind.—Jes. 65:14.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel