Ware Christelike eenheid—Hoe?
1 Wat kan meer as sesmiljoen mense uit 234 lande en ongeveer 380 taalgroepe verenig? Slegs die aanbidding van Jehovah God (Miga 2:12; 4:1-3). Jehovah se Getuies weet uit persoonlike ondervinding dat ware Christelike eenheid vandag ’n werklikheid is. As “een kudde” onder “een herder” is ons vasbeslote om hierdie wêreld se verdelende gees te weerstaan.—Joh. 10:16; Ef. 2:2.
2 God se onfeilbare voorneme is dat die hele intelligente skepping in ware aanbidding verenig moet wees (Op. 5:13). Omdat Jesus die belangrikheid hiervan besef het, het hy die eenheid van sy volgelinge ’n saak van ernstige gebed gemaak (Joh. 17:20, 21). Hoe kan elkeen van ons tot die eenheid van die Christengemeente bydra?
3 Hoe eenheid teweeggebring word: Sonder God se Woord en gees sou Christelike eenheid buite ons bereik gewees het. Omdat ons toepas wat ons in die Bybel lees, kan God se gees vryelik in ons lewe vloei. Dit stel ons in staat “om die eenheid van die gees in die verenigende band van vrede te bewaar” (Ef. 4:3). Dit spoor ons aan om mekaar in liefde te verdra (Kol. 3:13, 14; 1 Pet. 4:8). Bevorder jy eenheid deur elke dag oor God se Woord te peins?
4 Ons word ook verenig deur ons opdrag om te getuig en dissipels te maak. Wanneer ons saam met ander in die Christelike bediening werk en “sy aan sy vir die geloof van die goeie nuus stry”, word ons “medewerkers in die waarheid” (Fil. 1:27; 3 Joh. 8). Wanneer ons dit doen, versterk dit die verenigende band van liefde in die gemeente. Nooi gerus iemand met wie jy lank laas gewerk het, om hierdie week saam met jou in die veldbediening uit te gaan.
5 Hoe bevoorreg is ons tog om vandag ’n deel van die enigste ware internasionale broederskap op aarde te wees! (1 Pet. 5:9). Onlangs het duisende hierdie wêreldwye eenheid by die “Gee God heerlikheid”- internasionale byeenkoms self ondervind. Mag elkeen van ons bydra tot hierdie kosbare eenheid deur God se Woord elke dag te lees, geskille in liefde uit die weg te ruim en die goeie nuus “eendragtig” te verkondig.—Rom. 15:6.