Wat ons oor die tydskrifte kan sê

Wagtoring 15 Jun.

“Die meeste van ons sal ’n groot deel van ons lewe werk. Vir party is dit ’n seën; vir ander ’n vloek. Wat dink jy? [Wag vir ’n antwoord. Lees dan Prediker 2:24.] Hierdie tydskrif toon hoe die Bybel ons kan help om ’n gebalanseerde beskouing van werk te verkry. Dit bespreek ook hoe om werkverwante spanning die hoof te bied.”

Ontwaak! 22 Jun.

“Dink jy dat ons gemeenskap ’n beter plek sal wees as almal volgens hierdie woorde lewe? [Lees Efesiërs 4:28. Wag dan vir ’n antwoord.] Hierdie tydskrif bespreek watter hoë prys ons almal weens winkeldiefstal betaal. Dit toon ook dat winkeldiefstal, en alle ander misdade, binnekort tot die verlede sal behoort.”

Wagtoring 1 Jul.

“Ons almal ken mense wat blykbaar suksesvol is en nogtans voel dat daar ’n leemte in hulle lewe is. Waarna dink jy soek hulle? [Wag vir ’n antwoord. Lees dan Matteus 5:3.] Hierdie tydskrif bespreek ’n belangrike sleutel tot gemoedsrus—naamlik dat ons ons geestelike behoefte moet bevredig.”

Ontwaak! 8 Jul.

“In vandag se uiters mededingende arbeidsmark is werkloosheid ’n groot probleem. Hierdie tydskrif bespreek vyf maniere om werk te kry. [Vestig die aandag op die vetgedrukte onderhofies in die artikel “Vyf maniere om werk te kry”.] Dit gee ook praktiese wenke oor hoe om jou werk te behou.” Lees Spreuke 22:29 wat op bladsy 10 aangehaal word.