‘Bied ’n ouer tydskrif of enige brosjure aan wat handel oor ’n onderwerp waarin die persoon belangstel’

Gedurende die maande dat ons die Leer Bybel-boek en ’n studie tydens die eerste besoek aanbied, vind ons dalk huisbewoners wat reeds die boek het en nie ’n studie aanvaar nie. Ons word aangespoor om in sulke gevalle ‘’n ouer tydskrif of enige brosjure aan te bied wat handel oor ’n onderwerp waarin die persoon belangstel’. Waarom?

Brosjures en ouer tydskrifte bespreek ’n verskeidenheid tydige onderwerpe. Iets in een van hierdie publikasies kan die huisbewoner se hart raak. Wanneer jy jou velddienssak pak, moet jy dus ook ’n hele paar verskillende brosjures en ouer tydskrifte inpak. As jy nie ouer tydskrifte het nie, kan jy dalk ’n paar by die lektuurtoonbank kry. Dan kan jy, as die huisbewoner reeds die Leer Bybel-boek het en nie ’n Bybelstudie aanvaar nie, vir hom ’n paar van jou tydskrifte of brosjures wys en hom nooi om dié te neem waarin hy belangstel. Tref dan reëlings om terug te gaan om sy belangstelling verder te ontwikkel. Miskien sal dit uiteindelik tot ’n Bybelstudie lei.