In watter toestand is dit?

Dit is ’n goeie vraag om te vra oor enige lektuur wat ons wil aanbied. Enigiets met omgekrulde, verbleikte, gevlekte of geskeurde bladsye sal ons organisasie in ’n slegte lig stel en kan die huisbewoner se aandag van die pragtige, lewensreddende boodskap in die lektuur aflei.

Hoe kan ons ons lektuur netjies hou? Baie vind dit nuttig om hulle velddienssak te organiseer sodat dieselfde soort items bymekaar is. Hulle het byvoorbeeld ’n plek vir boeke, ’n ander een vir tydskrifte en brosjures, nog een vir traktate, ensovoorts. Wanneer hulle hulle Bybel en enige lektuur in hulle velddienssak terugsit, doen hulle dit versigtig om te voorkom dat dit beskadig word. Sommige verkondigers hou hulle lektuur in lêers of deursigtige plastiekvouers. Ongeag watter stelsel ons gebruik, ons wil niemand grondige rede gee om met ons bediening fout te vind omdat ons vir hulle beskadigde lektuur gegee het nie.—2 Kor. 6:3.