Velddiensglanspunte

Die verkondigers en pioniers wat onder die toesig van die Suid-Afrikaanse takkantoor dien, het hulle gedurende Mei ingespan en die goeie werk voortgesit wat in Maart en April gedoen is. Botswana het ’n nuwe hoogtepunt van 211 gewone pioniers bereik. Namibië het twee nuwe hoogtepunte bereik: 191 gewone pioniers en 1 950 verkondigers. Suid-Afrika het drie nuwe hoogtepunte bereik: 9 130 gewone pioniers, 92 255 verkondigers en 132 008 Bybelstudies. Die klein eiland St. Helena was ook bly oor die 120 verkondigers wat die goeie nuus aan ’n bevolking van minder as 4 000 verkondig het. Julle harde werk om die “goeie nuus” te verkondig en ‘dissipels te maak van mense’ in al die gebiede onder die toesig van ons takkantoor, word hoog op prys gestel.—Matt. 24:14; 28:19, 20.