Voorgestelde aanbiedings

Om op die eerste Saterdag in November Bybelstudies te begin

“Die meeste van ons stel belang in goeie regering. Watter soort regering dink jy sal die mensdom se probleme kan oplos? [Wag vir ’n antwoord.] Let op wat dit hier sê.” Gee Die Wagtoring van 1 November vir die huisbewoner, en kyk saam na die materiaal onder die eerste onderhofie op bladsy 16 en ten minste een van die tekste. Bied die tydskrifte aan, en reël om terug te gaan om die volgende vraag te bespreek.

Die Wagtoring 1 November

“Ons wil graag jou mening hoor. As jy God ’n vraag kon vra, wat sou dit wees? [Wag vir ’n antwoord.] Volgens Jesus is dit gepas om antwoorde op ons opregte vrae te soek. [Lees Matteus 7:7.] Hierdie tydskrif voorsien die Bybel se antwoorde op hierdie drie belangrike vrae.” Wys die huisbewoner die vrae onderaan bladsy 3.

Ontwaak! November

“Ons lewer vandag ’n openbare diens ten behoewe van gesinne. Enkelouergesinne het baie algemeen geword. Dink jy hulle het meer uitdagings as gesinne met albei ouers? [Wag vir ’n antwoord.] Baie ouers het praktiese raad in die Bybel gevind. [Lees 2 Timoteus 3:16.] Hierdie tydskrif bevat ’n paar wenke wat enkelouers kan help om sukses te behaal in hulle veeleisende rol.”