Voorgestelde aanbiedings

Om op die eerste Saterdag in Desember Bybelstudies te begin

“Ons is hier as ’n openbare diens aan gesinne. Baie ouers wil hê dat hulle kinders God moet liefhê. Dink jy dat dit iets is wat ouers hulle kinders kan leer, of moet kinders self leer om God lief te hê?” Wag vir ’n antwoord. Wys vir die persoon die agterblad van Die Wagtoring van 1 Desember, en bespreek die materiaal onder die eerste vraag en ten minste een van die teksverwysings. Bied die tydskrifte aan, en reël om terug te gaan en die volgende vraag te bespreek.

Die Wagtoring 1 Desember

“Ons besoek mense kortliks om oor God te praat. Ons weet dat almal hulle eie mening oor God het. Dink jy dat die meeste mense hom beskou as ’n onpersoonlike krag of as ’n vriend wat vir hulle as individue omgee? [Wag vir ’n antwoord.] Hierdie Bybelvers sê vir ons watter soort verhouding God wil hê ons met hom moet opbou. [Lees Jakobus 4:8a.] Hierdie tydskrif bespreek drie dinge wat ons kan doen om nader aan God te voel.”

Ontwaak! Desember

“Ons besoek mense kortliks weens besorgdheid oor ’n algemene gesondheidsprobleem. Volgens die Wêreldgesondheidsorganisasie sal een uit elke vier mense op die een of ander stadium in hulle lewe aan ’n geestesversteuring, soos depressie, ly. Dink jy dat geestesversteurings algemener word? [Wag vir ’n antwoord.] Die Bybel gee ons hoop op ’n toekomstige lewe op die aarde sonder siekte en pyn. [Lees Openbaring 21:3, 4.] Hierdie tydskrif bespreek ’n paar dinge wat almal omtrent geestesversteurings moet weet.”