Verbeter jou vaardighede in die bediening—Demonstreer ’n Bybelstudie deur die Leer Bybel-boek te gebruik

Waarom dit belangrik is: Baie mense verstaan dalk nie wat ons bedoel wanneer ons sê dat ons gratis tuisbybelstudies aanbied nie. Hulle dink moontlik dat hulle by ’n studiegroep moet aansluit of die een of ander korrespondensiekursus moet doen. Pleks van net ’n studie aan te bied, kan ons eerder ’n studie demonstreer. In net ’n paar minute, of selfs by die deur, kan ons vir ’n persoon wys hoe maklik en leersaam dit kan wees om die Bybel te studeer.

Hoe om dit te doen:

Stel jou eers voor, en vra die huisbewoner dan of hy besorg is oor die toekoms.
Sê vir hom dat baie mense ook so voel, en wys hom dan die inhoudsopgawe in die Leer Bybel-boek. Verduidelik dat hierdie boek lesse bevat wat maklik is om te verstaan en wat toon wat die Bybel oor die toekoms en ander onderwerpe leer, en vra hom in watter hoofstuk hy belangstel.
Gee vir hom ’n boek en wys hom die hoofstuk wat hy gekies het. Verduidelik dat die vrae aan die begin van die hoofstuk in die daaropvolgende paragrawe beantwoord word.
Vra die huisbewoner om die eerste paragraaf te lees, as dit hom nie ongemaklik laat voel nie. Lees dan die vraag op daardie paragraaf, en vind saam die antwoord. Lees tekste wat die antwoord staaf, en bespreek dit. Wys vir hom dat jy die antwoord in jou boek onderstreep het.
Doen dieselfde met die volgende paragraaf, maar vra die huisbewoner hierdie keer om die vraag in sy eie woorde te probeer beantwoord.
Prys hom, en tref reëlings om terug te keer om die les te voltooi.
Wys hom die video op jw.org/af met die naam Wat gebeur tydens ’n Bybelstudie?, indien moontlik.

Wenk vir die maand:

Bid tot Jehovah om jou pogings te seën om ’n nuwe Bybelstudie te begin.—Fil. 2:13.
Probeer om ’n Bybelstudie te demonstreer deur die Leer Bybel-boek te gebruik, of wys die video Wat gebeur tydens ’n Bybelstudie? ten minste een keer terwyl jy velddiens doen.